قاسىم-جومارت توقاەۆ باۋىرلاس قىرعىز ەلىنە قازاقستان حالقىنىڭ اتىنان گۋمانيتارلىق كومەك كورسەتۋگە شەشىم قابىلدادى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي مالىمدەدى. 

«قىرعىز رەسپۋبليكاسىمەن اراداعى ءداستۇرلى دوستىق، وداقتاستىق جانە ستراتەگيالىق سەرىكتەستىك قاعيداتتاردى باسشىلىققا الا وتىرىپ، پرەزيدەنت قاسىم-جومارت توقاەۆ باۋىرلاس قىرعىز ەلىنە قازاقستان حالقىنىڭ اتىنان گۋمانيتارلىق كومەك كورسەتۋگە شەشىم قابىلدادى. كورشى مەملەكەتكە 10 مىڭ توننا ۇن جىبەرىلەدى. ۇكىمەت مەملەكەت باسشىسىنىڭ تاپسىرماسىن ورىنداۋعا كىرىسىپ كەتتى»، – دەپ جازدى ول.

ايتا كەتەيىك، 28 ساۋىردە قىرعىزستان مەن تاجىكستان شەكاراسى ماڭىنداعى اك-سۋ دارياسىنداعى (“گولوۆنوي”) باستوعان ماڭىندا ەكى ەل تۇرعىندارى اراسىندا قاقتىعىس بولدى. ەكى تاراپتان دا بىرنەشە ادام قازا تاپقان.

Abai.kz