پالەستينانىڭ قوعامدىق-ساياسي كۇشتەرى وسى سەيسەنبىدە ءيزرايلدىڭ قۇرساۋىندا تۇرعان گازا سەكتورىن بومبالاپ جاتقانىنا نارازىلىق رەتىندە جالپىحالىقتىق ەرەۋىل مەن جاپپاي ازاماتتىق باعىنباۋ شارالارىن باستاۋ تۋرالى شەشىم قابىلدادى.

اكتسيا بارىسىندا يەرۋساليمدەگى بارلىق ەكونوميكالىق جانە كوممەرتسيالىق نىسانداردىڭ، باسىپ الىنعان يوردان وزەنىنىڭ باتىس جاعالاۋىنىڭ، گازا سەكتورىنىڭ جانە يزرايلدەگى پالەستينالىق قاۋىمداستىقتاردىڭ جۇمىسىن توقتاتۋ جوسپارلانىپ وتىر.  ەرەۋىل 200-دەن استام ادام، سونىڭ ىشىندە 61 بالا قازا تاپقاننان كەيىن ۇيىمداستىرىلىپ وتىر.

باستامانى پالەستينانىڭ ساياسي پارتيالارى، كاسىپوداقتارى تولىق قولداپ، حالىقتى اكتسياعا جاپپاي شىعۋعا شاقىردى. بۇل اكتسيانىڭ وزگە ەرەۋىلدەردەن ايىرماشىلىعى جاپپاي ەرەۋىلگە ۇندەۋ تاستاعاندار قاراپايىم حالىق بولىپ وتىر. ول 18 مامىردى "قاھار كۇنى" دەپ اتاماق.

Abai.kz