رەسەي تاجىكستانعا تاجىك-اۋعان شەكاراسىندا زاماناۋي شەكارا بەكەتىن سالۋعا كومەكتەسەدى جانە جاقىن ارادا بۇل ءۇشىن ءتيىستى كەلىسىمگە قول قويىلادى. بۇل تۋرالى بۇگىن، 19 مامىردا رەسەيدىڭ سىرتقى ىستەر ءمينيسترى سەرگەي لاۆروۆ تاجىكستاننىڭ سىرتقى ىستەر ءمينيسترى سيرودجيددين مۋحريددينمەن كەلىسسوزدەر قورىتىندىسى بويىنشا حابارلادى.

"بۇگىن ءبىز ۇقشۇ قىزمەتى اياسىندا دا، ەكىجاقتى تۇردە دە تاجىك-اۋعان شەكاراسىن نىعايتۋ بويىنشا قابىلدانىپ جاتقان قادامداردى تالقىلادىق. رەسەي قارۋلى كۇشتەرىنىڭ قاتىسۋىمەن تەرروريزمگە قارسى جاتتىعۋلار جۇيەلى تۇردە وتكىزىلىپ تۇرادى جانە جاقىن ارادا ءبىز ۇكىمەتارالىق كەلىسىمگە قول قويامىز دەپ جوسپارلاپ وتىرمىز. سوعان سايكەس ءبىز قازىرگى زامانعى شەكارا زاستاۆاسىنىڭ بىرىندە قۇرىلىسقا قارجىلاي كومەك كورسەتەمىز. ءبىزدى اۋعانستاننىڭ سولتۇستىك پروۆينتسيالارىندا حالىقارالىق تەرروريستىك ۇيىمدار سودىرلارىنىڭ بەلسەندىلىگى الاڭداتادى. ءبىز دۋشانبەگە تەرروريزم، ەكسترەميزم جانە ەسىرتكى بيزنەسىنە قارسى كۇرەستە بارلىق قاجەتتى كومەكتى كورسەتۋگە دايىنبىز - جانە ونى ءىس جۇزىندە قولدانامىز", - دەدى لاۆروۆ.

Abai.kz