Ресей Тәжікстанға тәжік-ауған шекарасында заманауи шекара бекетін салуға көмектеседі және жақын арада бұл үшін тиісті келісімге қол қойылады. Бұл туралы бүгін, 19 мамырда Ресейдің сыртқы істер министрі Сергей Лавров Тәжікстанның сыртқы істер министрі Сироджиддин Мухриддинмен келіссөздер қорытындысы бойынша хабарлады.

"Бүгін біз ҰҚШҰ қызметі аясында да, екіжақты түрде де тәжік-ауған шекарасын нығайту бойынша қабылданып жатқан қадамдарды талқыладық. Ресей Қарулы Күштерінің қатысуымен терроризмге қарсы жаттығулар жүйелі түрде өткізіліп тұрады және жақын арада біз үкіметаралық келісімге қол қоямыз деп жоспарлап отырмыз. Соған сәйкес біз қазіргі заманғы шекара заставасының бірінде құрылысқа қаржылай көмек көрсетеміз. Бізді Ауғанстанның солтүстік провинцияларында халықаралық террористік ұйымдар содырларының белсенділігі алаңдатады. Біз Душанбеге терроризм, экстремизм және есірткі бизнесіне қарсы күресте барлық қажетті көмекті көрсетуге дайынбыз - және оны іс жүзінде қолданамыз", - деді Лавров.

Abai.kz