پاۆلودار وبلىسى اقسۋ قالاسىنىڭ اكىمى نۇرجان اشىمبەتوۆ وبلىس اكىمى ابىلقايىر سقاقوۆتىڭ ۇستىنەن سوتقا شاعىم ءتۇسىردى. بۇل تۋرالى inbusiness.kz مالىمدەدى.

سقاقوۆتىڭ ايتۋىنشا، تاعايىندالعانىنا ەكى اي وتكەندە وبلىس اكىمى وعان «ءبىرىنشى توقساندا اقسۋ قالاسىنىڭ الەۋمەتتىك ەكونوميكالىق دامۋ مىندەتتەرىن ورىنداي المادى», دەپ سوگىس جاريالاپ، تارتىپتىك جازاعا تارتۋ تۋرالى بۇيرىق شىعارعان.

اشىمبەتوۆ اقسۋ قالاسىنا بيىل 22 قاڭتاردا اكىم بولىپ بارعان. ال، وبلىس اكىمىنىڭ تارتىپتىك جازاعا تارتۋ تۋرالى بۇيرىعى 1 ساۋىردە شىققان. ەكى اي ىشىندە الەۋمەتتىك-ەكونوميكالىق دامۋ كورسەتكىشىنە جەتۋ مۇمكىن ەمەستىگىن العا تارتقان ول، سقاقوۆتىڭ بۇل ارەكەتىمەن كەلىسپەيتىنىن ايتىپ، ونى سوتقا بەرگەن.

الايدا، اشىمبەتوۆتىڭ وزىنە قاتىستى دا قول استىنداعىلارمەن دورەكى سويلەسەدى دەگەن ارىز تۇسكەن. قازىر اقسۋ قالاسى اكىمىنىڭ ءىسىن تارتىپتىك كەڭەس وكىلدەرى قاراستىرىپ جاتقان كورىنەدى. كەڭەس مۇشەلەرىنىڭ باسىم بولىگى اشىمبەتوۆتىڭ بۇعان دەيىن دە دورەكىلىگىمەن كوزگە تۇسكەنىن ەسكەرىپ، ونى قىزمەتتەن كەتىرۋ كەرەكتىگىن ايتقان. بىراق، اشىمبەتوۆ مۇنى وزىنە قاساقانا جاسالعان ارەكەت دەپ ەسەپتەيدى.

ال، وبلىس اكىمىنىڭ ۇستىنەن تۇسكەن ارىزدى سوت ءالى قاراۋعا الماعان. زاڭ بويىنشا 5 كۇن ىشىندە شەشىم قابىلدانۋى ءتيىس.

ايتا كەتەيىك، بۇل سقاقوۆتىڭ ۇستىنەن ءتۇسىپ وتىرعان ەكىنشى ارىز. بۇعان دەيىن كولىك جانە اۆتوموبيل جولدارى باسقارماسىنىڭ بۇرىنعى باسشىسى رينات قويسويماسوۆ جۇمىستان نەگىزسىز شىعاردى دەپ سوتقا شاعىمدانعان. الايدا، ونىڭ شاعىمى قاناعاتتاندىرىلماپتى.

Abai.kz