تاجىكستان پرەزيدەنتى ەمومالي راحموننىڭ شاقىرۋىمەن قازاقستان پرەزيدەنتى قاسىم-جومارت توقاەۆ 19-20 مامىردا دۋشانبەدە رەسمي ساپارمەن بولدى.

كەلىسسوزدەر بارىسىندا پرەزيدەنتتەر بىرقاتار ىنتىماقتاستىق تۋرالى قۇجاتتارعا قول قويدى.

تاراپتار تاجىك-قازاقستان قاتىناستارىنىڭ جاي-كۇيىن، ساياسي، ساۋدا-ەكونوميكالىق، مادەني-گۋمانيتارلىق جانە باسقا سالالارداعى ەكىجاقتى ىنتىماقتاستىقتى كەڭەيتۋ مەن تەرەڭدەتۋدىڭ پەرسپەكتيۆالارىن تالقىلادى. ايماقتىق جانە حالىقارالىق دەيگەيدە كۇن ءتارتىبى تۇرعان ماسەلەلەر بويىنشا پىكىر الماستى.

قازاقستان پرەزيدەنتى ەمومالي راحمونعا جىلى قابىلداعانى ءۇشىن العىس ايتتى جانە ونى قازاقستانعا جاۋاپ ساپارىمەن كەلۋگە شاقىردى. تاجىك پرەزيدەنتىنىڭ ساپارى ديپلوماتيالىق ارنالار ارقىلى كەلىسىلمەك.

Abai.kz