24 مامىردا الماتى قالاسىنىڭ المالى اۋداندىق سوتى Sulpak دۇكەنىنىڭ ماڭىندا وتالعان اعاشتارعا قاتىستى ىسكە ۇكىم شىعاردى. سوتتالۋشى قىلمىس جاساعانى ءۇشىن كىنالى دەپ تانىلدى. بۇل تۋرالى Tengrinews.kzكە سىلتەمە جاساپ Abai.kz حابارلايدى. .

المالى اۋداندىق سوتى جك وكىلى جاننا نۇرتاەۆاعا قاتىستى ءىستى قر قك 339-بابى، 1-بولىگى "وسiمدiكتەردىڭ سيرەك كەزدەسەتiن جانە قۇرىپ كەتۋ قاۋپi بار تۇرلەرىن جويۋ" بويىنشا قارادى.

"سوت جاننا نۇرتاەۆانى قازاقستاننىڭ قىلمىستىق كودەكسىنىڭ 339-بابى 1-بولىگىندە كوزدەلگەن قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىپ، 55-بابىنىڭ 4-بولىگىن قولدانا وتىرىپ، 1500 اەك مولشەرىندە، ياعني 4 ميلليون 167 مىڭ تەڭگە سوماسىندا ايىپپۇل تۇرىندە جازا تاعايىندادى. ايىپپۇلدى تولەۋ مەرزىمى زاڭدى كۇشىنە ەنگەننەن كەيىن ەكى اي دەپ بەلگىلەنسىن", - دەدى سوت.

ەستەرىڭىزدە بولسا Sulpak ماڭىنداعى كەسىلگەن اعاشتار جايلى ءىس قوعامدا ۇلكەن داۋ تۋدىرىپ، ءتىپتى الماتى قالاسىنىڭ اكىمى ىسكە ارالاسقان ەدى.

Abai.kz