سيريا پرەزيدەنتى بولىپ باشار اساد قايتادان سايلاندى. 26 مامىردا وتكەن سايلاۋدا ول ەلەكتوراتتىڭ 95,1% داۋىسىنا يە بولعان دەپ حابارلادى سانا اگەنتتىگى. اسادپەن بىرگە پرەزيدەنتتىككە تاعى ەكى ۇمىتكەر تالاستى.

بۇعان دەيىن سيريانىڭ جوعارى كونستيتۋتسيالىق سوتى پرەزيدەنتتىك سايلاۋعا ءۇش كانديداتتىڭ قاتىساتىنىن مالىمدەگەن بولاتىن. ولار: قازىرگى پرەزيدەنت باشار اساد، «ارابتاردىڭ دەموكراتيالىق سوتسياليستىك كەڭەسى» پارتياسىنان ماحمۇج مارەي جانە «سوتسيال-يۋنيونشىلار» پارتياسىنان ابداللا ابداللا. جالپى، سايلاۋعا قاتىسۋعا بارلىعى 51 ادام قۇجات وتكىزگەن. الايدا، ءتۇرلى سەبەپتەرمەن 48 ادام ساياسي ناۋقاننان شەتتەتىلدى. پرەزيدەنتتىك سايلاۋعا قاتىسۋعا بىرنەشە تالاپ قويىلادى، سولاردىڭ ەڭ نەگىزگىسى: ۇمىتكەردىڭ ءدىنى – يسلام، ازاماتتىعى – سيريا جانە جاسى 40-تان اسقان بولۋى كەرەك.

بۇعان دەيىن باتىس باقىلاۋشىلارى اسادتىڭ ءسوزسىز جەڭەتىنىن بولجاعان ەدى. ەلدە 10 جىلدان بەرى ازاماتتىق سوعىس ءجۇرىپ جاتسا دا، وسىمەن ەكىنشى رەت پرەزيدەنتتىك سايلاۋ وتكىزىلدى. العاشقىسى 2014 جىلى بولعان ەدى.

ايتا كەتەيىك، سيريادا بىرنەشە جىلدان بەرى بولىپ جاتقان سوعىس ءالى توقتاعان جوق.

دەرەككوز: Azattyq-ruhy.kz

Abai.kz