كەشە شىمكەنتتەگى م.اۋەزوۆ اتىنداعى وڭتۇستىك قازاقستان ۋنيۆەرسيتەتىندە اتالعان وقۋ ورداسى مەن قمدب شىمكەنت قالالىق وكىلدىگىنىڭ ۇيىمداستىرۋىمەن «حاكىم اباي ءھام يحسان ءىلىمى» رەسپۋبليكالىق عىلىمي-تاجىريبەلىك كونفەرەنتسياسى وتتى.

كونفەرەنتسيانى اشقان م.اۋەزوۆ اتىنداعى وقۋ-ءنىڭ ءبىرىنشى پرورەكتورى قايرات ەڭبەكشىۇلى جيىنعا قاتىسۋشىلاردى جىلى قابىلداپ، رەكتور داريا پەرنەشقىزىنىڭ قۇتتىقتاۋىن جەتكىزدى. شاراعا ارنايى شاقىرىلعان قمدب توراعاسى، باس ءمۇفتي «يحسان ءىلىمى – تاربيە باستاۋى» تاقىرىبىندا بايانداما جاساپ، يحسان ءىلىمىن كەڭىنەن دارىپتەدى.

«ءاربىر يگى ءىستى شىنايى ىقىلاسپەن، رياسىز ىستەۋدىڭ اقىرەتتە ادام بالاسىنا پايداسى زور. وسى تۇرعىدان العاندا يحسان ءىلىمىن قۇلشىلىق پەن جاقسىلىقتى رياسىز، شىنايىلىقپەن جاساۋدى دەپ بىلەمىز. شىنايىلىلىق، شىنشىلدىق ء–بىرتۇتاس ماعىنانى بىلدىرەدى. اللا تاعالا قاسيەتتى قۇران كارىمنىڭ بىرنەشە اياتىندا شىنشىلداردان بولۋدى بۇيىرادى. قايدا بولساڭ دا، مەيلى جالعىز قالساڭ دا، اللاعا شىنايى ىقىلاسپەن قۇلشىلىق ەتۋىڭ يحسان بولىپ سانالادى.

ادامداردىڭ كوبى عيبرات پەن ريانى شاتاستىرادى. يمامداردىڭ ىزگى امالدارىن ريا دەپ ەمەس، وزگەلەرگە عيبرات دەپ قاراۋ كەرەك. ويتكەنى پايعامبارىمىز (وعان اللانىڭ سالاۋاتى مەن سالەمى بولسىن): «امالدار نيەتكە بايلانىستى»، – دەگەن. ادام بالاسىنىڭ رۋحاني نەسىبەسى بولادى. ول – اللانى تانۋىمىز. جاراتقانعا دەگەن ىقىلاسىمىز. حاكىم اباي:

جۇرەكتىڭ كوزى اشىلسا،

حاقتىقتىڭ تۇسەر سəۋلەسى.

ىشتەگى كىردى قاشىرسا,

ادامنىڭ حيكمەت كەۋدەسى, – دەيدى. جۇرەكتەگى قىزعانىش، ماقتانشاقتىق، تəكاپپارلىق دەرتىنىڭ ەمى – يحسان ءىلىمى» دەدى ناۋرىزباي قاجى تاعانۇلى.

سونداي-اق جيىندا ابايتانۋشى، عالىم، پروفەسسور مەكەمتاس مىرزاحمەتوۆ ابايدى تانۋ، يحسان ءىلىمى جايلى ءوز وي-پىكىرىن ورتاعا سالدى. «بۇگىندە ابايعا دەيىنگى بولمىس وزگەردى. مۇنى بولىستىق جۇيە وزگەرتتى. ءسويتىپ مىنەزىمىز دە وزگەردى. اباي بۇرىنعى تاربيەنى ساقتاپ قالعىسى كەلدى. ونى بارىنشا ساقتاۋعا تىرىستى. ول ءوزىنىڭ ءاربىر سوزىندە ىزگىلىك، ادامدىقتى ناسيحاتتادى. مۇحتار اۋەزوۆ اباي مۇراسىن، ونىڭ «تولىق ادام» كونتسەپتسياسىن ناسيحاتتاي المادى. «ابايدىڭ باتىسىنان شىعىسى باسىم» دەگەنى ءۇشىن كوپ سىنعا ۇشىرادى. ابايدى زەرتتەۋ ءۇشىن عىلىمي جۇيە كەرەك» دەدى مەكەمتاس مىرزاحمەتوۆ.

جيىنعا سونداي-اق ۋنيۆەرسيتەت ۇستازدارى قايرات ساپارحانۇلى، دوتسەنت اقجول قالشابەك، جاس عالىم ءازىمحان يسابەك قاتىسىپ، حاكىم اباي مەن يحسان ءىلىمى جايىندا بايانداما ۇسىندى.

كونفەرەنتسياعا قمدب اپپارات باسشىسى عىلىمبەك جادىگەرۇلى، اقپارات جانە قوعاممەن بايلانىس ءبولىمىنىڭ مەڭگەرۋشىسى مارات بەكتازينوۆ، شىمكەنت قالاسىنىڭ باس يمامى باعداۋلەت ءابدراحمانوۆ جانە ونلاين جۇيەدە ءتۇرلى سالا ماماندارى قاتىستى.

فوتودەرەك:

Abai.kz