اعىمداعى جىلعى 17 مامىردان باستاپ قازاقستان حالقى ەتنوس وكىلدەرى اراسىندا «مەن قازاقشا سويلەمىن» رەسپۋبليكالىق اكتسياسى باستالدى.

اكتسيانىڭ ماقساتى – مەملەكەتتىك ءتىل – قازاق ءتىلىن ۇلتارالىق قاتىناس قۇرالى رەتىندە بەدەلىن ارتتىرۋ، ازاماتتاردىڭ قازاق ءتىلىن مەڭگەرۋگە ءمان بەرىپ، الەۋمەتتىك سالالاردا مەملەكەتتىك ءتىلدىڭ قولدانىس اياسىن ارتتىرۋعا ىقپال ەتۋ، ءتىل مەڭگەرۋشىلەردى ىنتالاندىرۋ، ءتىل مەڭگەرۋدى ناسيحاتتاۋ.

اكتسياعا قازاقستان حالقىنىڭ ەتنوس وكىلدەرى عانا قاتىسادى. اكتسياعا قاتىسۋشىلار قازاقتىڭ بەدەلدى اقىندارىنىڭ ولەڭدەرىنەن جاتقا ۇزىندىلەر وقيدى. جىل سايىن تاقىرىپتار وزگەرىپ وتىرادى. بيىلعى تاقىرىپ – قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي «وتان»، «تۋعان ەل»، «تۋعان جەر»، «مەملەكەتتىك ءتىل» تاقىرىپتارى تاڭدالدى.

اكتسيا ەرەجەسى: قاتىسۋشى ولەڭ جولدارىن مانەرلەپ، جاتقا وقيدى. ساپالى ۆيدەوعا تۇسىرەدى جانە ونى ءوزىنىڭ Instagram الەۋمەتتىك جەلىسىندەگى پاراقشاسىنا ورنالاستىرىپ، #مەنقازاقشاسويلەيمىن2021 حەشتەگىمەن «بولىسەدى». جەڭىمپازدار وقىلعان ولەڭ جولدارىنا ەڭ كوپ جينالعان «ءلۇپىل» (لايك) سانىمەن انىقتالادى.

اكتسيا ءتورت كەزەڭنەن تۇرادى.

1-كەزەڭ: 5-8 سىنىپ وقۋشىلارى، 24 مامىر – 10 ماۋسىم ارالىعى;

2-كەزەڭ: 9-10 سىنىپ وقۋشالىر، 3 ماۋسىم – 1 شىلدە ارالىعى;

3-كەزەڭ: جوعارى وقۋ ورنى ستۋدەنتتەرى مەن ەرەسەك ازاماتتار، 5 شىلدە – 5 تامىز ارالىعى;

4-كەزەڭ: قۇقىق قورعاۋ ورگاندارى مەن ىشكى ىستەر ورگاندارى قىزمەتكەرلەرى، 6 تامىز – 6 قىركۇيەك ارالىعىندا.

ولەڭ جولدارىن جاتتاۋ 2 مينۋتتان اسپاۋى كەرەك.

بەينە جاريالانىمدا ءۇزىندى وقىعان تۇلعانىڭ اتى-ءجونى، تەگى، ۇلتى، سىنىبى، ۇسىنىپ وتىرعان قالا نەمەسە وبلىس اتاۋى مىندەتتى تۇردە كورسەتىلۋى شارت.

اكتسيانىڭ قورىتىندىسى ءار كەزەڭگە بايلانىستى شىعارىلىپ، ونلاين رەجيمدە ماراپاتتالادى.

اكتسياعا كاتىسۋشىلاردىڭ ونەرلەرىن قازىلار القاسى ساراپتايدى، شەشىمدەرى حاتتاما تۇرىندە راسىمدەلەدى.

ءار كەزەڭ بويىنشا جۇلدەلى ورىندار:

1-گران پري;

1-ءبىرىنشى ورىن;

2-ەكىنشى ورىن;

3-ءۇشىنشى ورىن;

5-ىنتالاندىرۋ ورىندارى بەلگىلەنگەن.

جەڭىمپازدار مەن ولاردىڭ جەتەكشىلەرىنە ديپلومدار جانە سىيلىقتار تابىستالادى.

اكتسيانىڭ جەڭىمپازدارى تۋرالى اقپارات شارا اياقتالعاننان كەيىنگى بۇقارالىق اقپارات قۇرالدارىندا جاريالانادى جانە قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىندا ورنالاستىرىلادى.

اكتسياعا ءار كەزەڭدە 100-200-دەي ءتىل ۇيرەنۋشىلەر قاتىسادى دەپ بولجام جاسالىپ وتىر. اكتسيا اياسىندا قازاق ءتىلىن مەڭگەرەن وقۋشىلار، ولاردىڭ اتا-انالارى، ءوزى وقيتىن مەكتەبىنىڭ ۇستازدار قاۋىمى، ستۋدەنتتەر، ولاردىڭ تۋىسقاندارى، دوستارى مەن تانىستارى، ەرەسەك ازاماتتاردىڭ ارىپتەستەرى، دوستارى، وتباسى مۇشەلەرى «ءلۇپىل» جيناۋدا اتسالىسۋ ارقىلى الەۋمەتتىك جەلىدە قازاق تىلىندە سويلەۋدى كەڭىنەن ناسيحاتتاۋ ورىن الاتىن بولادى.

Abai.kz