وتەتىن ورنى: ش.شاياحمەتوۆ اتىنداعى «ءتىل-قازىنا» ۇلتتىق                        عىلىمي-پراكتيكالىق ورتالىعى، ساۋران كوشەسى، 7 ا.

باستالۋى: ساعات 10.00

2021 جىلدىڭ 23 ماۋسىمدا نۇر-سۇلتان قالاسىندا قازاقستان رەسپۋبليكاسى ءبىلىم جانە عىلىم مينيسترلىگىنىڭ ءتىل ساياساتى كوميتەتى ش. شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىمەن بىرلەسە وتىرىپ، «تەرمينولوگيالىق بازا: تاجىريبە جانە تەحنولوگيا» اتتى رەسپۋبليكالىق ادىستەمەلىك سەمينار وتكىزەدى.

سەميناردىڭ ماقساتى – تەرمينتانۋشى عالىمدار مەن ءىت سالاسى ماماندارىنىڭ سەمينارداعى پىكىرلەرىن ەسكەرە وتىرىپ، تەرمينولوگيالىق بازا قالىپتاستىرۋدىڭ حالىقارالىق وزىق تاجىريبەلەرى مەن يننوۆاتسيالىق تەحنولوگيالاردى زەردەلەۋ ارقىلى تەرمينولوگيالىق بازانى جەتىلدىرۋدىڭ الگوريتمىن ازىرلەۋ.

كەز كەلگەن ىزدەۋ باعىتىندا جۇمىس ىستەۋگە قابىلەتتى، پايدالانۋشىنى تەرمينولوگيا بويىنشا ستاندارتتالعان جانە ۇسىنىلعان اقپاراتپەن مەيلىنشە تولىق قامتاماسىز ەتۋدى كوزدەيتىن، قۇرىلىمى جاعىنان يكەمدى اۆتوماتتاندىرىلعان جۇيەنى قالىپتاستىرۋ – قازاق تەرمينولوگياسىنىڭ وزەكتى ماسەلەلەرىنىڭ ءبىرى.

سەميناردا بەلگىلى تەرمينولوگ عالىمدار – فيلولوگيا عىلىمدارىنىڭ دوكتورى،  پروفەسسور، قر ۇعا اكادەميگى شەرۋباي قۇرمانبايۇلى، فيلولوگيا عىلىمدارىنىڭ دوكتورى ءسابيرا يساقوۆا، ا. بايتۇرسىنۇلى اتىنداعى ءتىل ءبىلىمى ينستيتۋتى ديرەكتورىنىڭ ورىنباسارى سارسەنباي قۇلمانوۆ جانە وسى ماسەلەمەن ماماندانىپ جۇرگەن جاس عالىمدار بايانداما جاسايدى.

ءىس-شاراعا لينگۆيست عالىمدار، ورتالىق جانە جەرگىلىكتى اتقارۋشى ورگانداردىڭ قىزمەتكەرلەرى، باق وكىلدەرى جانە ت.ب. قاتىسادى.

سەمينارعا قاتىسۋشىلار ءۇشىن Zoom پلاتفورماسى جانە «termincom.kz» سايتىنىڭ YouTube كانالى ارقىلى ءىس-شاراعا قاتىسۋ مۇمكىندىگى قاراستىرىلعان.

Abai.kz