گااگا سوتىنا شاعىمدانۋ قىرعىز رەسپۋبليكاسى مەن تاجىكستان رەسپۋبليكاسى اراسىندا جانجال تۋعىزۋى مۇمكىن. قىرعىز بەلسەندىلەرى ءساۋىر ايىنداعى قارۋلى قاقتىعىس بويىنشا ادىلەتتىلىكتى حالىقارالىق سوتتان ىزدەۋدى ءجون كورىپ وتىر. 

ساياساتتانۋشى مارس ساريەۆ قىرعىزستاننىڭ ۇكىمەتتىك ەمەس سەكتورى وكىلدەرىنىڭ تاجىكستاننىڭ اگرەسسياسىنا قاتىستى ريم ستاتۋتىنا ۇندەۋىنە تۇسىنىكتەمە بەردى.

«حيۋمان رايتس ۆوتچتىڭ ۇكىمەتتىك ەمەس سەكتوردىڭ باستاماسىن وڭ قابىلداي وتىرىپ، بۇل ۇستانىمدى قولداعانى بەلگىلى. بۇل قىرعىزستان مەن تاجىكستان اراسىندا بەيبىت قاتىناستار ورناتۋدىڭ، سونىمەن قاتار حالىقارالىق قۇرىلىمداردىڭ وزدەرىنىڭ ماقساتتارى بولۋى مۇمكىن. مىسالعا ۇسىنىلعان قۇجاتتار نەگىزىندە قىرعىزستاندى قولداۋ جاعدايدى قايتا تۇراقسىزداندىرۋى مۇمكىن، سونىڭ سالدارىنان قىرعىزستان مەن تاجىكستان اراسىندا جانجال تۋىنداۋى دا عاجاپ ەمەس. بۇل وتە نازىك قارىم-قاتىناس. قازىر قاقتىعىستى شەشۋ، تاتۋلاسۋ جانە شەشۋ جولدارىن ىزدەۋدىڭ ەكى جاقتى پروتسەستەرى ءجۇرىپ جاتىر»، - دەيدى مارس ساريەۆ.

ايتا كەتەيىك، بۇعان دەيىن قىرعىزستاننىڭ ۇكىمەتتىك ەمەس سەكتورىنىڭ وكىلدەرى حالىقارالىق قىلمىستىق سوتقا (گااگا سوتىنا) تاجىكستان رەسپۋبليكاسىنىڭ قىرعىزستاننىڭ بەيبىت تۇرعىندارىنا جاساعان اسكەري اگرەسسيا فاكتىسى بويىنشا جۇگىنىپ، دالەلدەر بارىن ايتقان بولاتىن.

Abai.kz