تۇركيا باسشىسى تايىپ ەردوعان ازەربايجان جەرىندە تۇركيانىڭ اسكەري بازاسى پايدا بولۋ مۇمكىندىگىن جوققا شىعارمادى. بۇل تۋرالى ول 17 ماۋسىمدا باكۋ قالاسىنداعى ساپارىندا مالىمدەدى. 

"تۇرىك اسكەري بازاسىن قۇرۋ جاسالعان كەلىسىم اياسىنان شىقپايدى. بۇل سۇراقتى ارى قاراي جىلجىتۋ مۇمكىندىگى بار. اتالمىش ماسەلەنى ازەربايجان باسشىسى يلحام اليەۆ رەسەي باسشىسى ۆلاديمير پۋتينمەن كەزدەسۋ بارىسىندا دا قوزعاۋى مۇمكىن. ءبىزدىڭ كەزدەسۋلەرىمىزدە دە ونى قاراستىرۋ مۇمكىندىگى بار", — دەدى ول.

15-ماۋسىمدا ەردوعان مەن اليەۆ ازەربايجاننىڭ شۋشا قالاسىندا "شۋشا دەكلاراتسياسىنا" قول قويىپ، ەكى جاقتى كەلىسىم جاساسقان بولاتىن. وندا ەكى ەلدىڭ بىرەۋىنە سوعىس اشىلسا دەرەۋ اسكەري كومەك كورسەتۋ ماسەلەسى دە قاراستىرىلعان.

Abai.kz