بيىل ءبىرىنشى توقساندا حالىقتىڭ اقشالاي تابىسى ورتا ەسەپپەن جان باسىنا شاققاندا 196,5 مىڭ تەڭگە بولدى. بۇل وتكەن جىلدىڭ سايكەس كەزەڭىمەن سالىستىرعاندا 10,8 پايىزعا ارتىق.

قازاقستان وڭىرلەرىنىڭ اراسىندا تابىسى كوپتەر مەگاپوليستەردە، نۇر-سۇلتان (275,9 مىڭ تەڭگە) جانە الماتىدا (246,8 مىڭ تەڭگە) تىركەلدى. 2021 جىلدىڭ ءبىرىنشى توقسانىندا ورتا ەسەپپەن جان باسىنا شاققاندا 246 مىڭ تەڭگە كورسەتكىشىمەن قاراعاندى وبلىسى الماتىدان ءسال ارتتا قالدى.

تابىسى ەڭ تومەن - تۇركىستان وبلىسىنىڭ تۇرعىندارى: 121,8 مىڭ تەڭگە. بۇل جەتەكشى نۇر-سۇلتانعا قاراعاندا 2,3 ەسە از جانە قازاقستان وڭىرلەرى اراسىنداعى كىرىس دەڭگەيى بويىنشا سوڭعىلاردىڭ قاتارىندا تۇرعان جامبىل وبلىسىنان (151,8 مىڭ تەڭگە) 20 پايىزعا از.

2021 جىلدىڭ ءبىرىنشى توقسانىندا حالىقتىڭ اقشالاي تابىسىنىڭ ۇشتەن ەكىسىنەن استامى ەڭبەك قىزمەتىنەن تۇسكەن تابىستارعا تيەسىلى: 136,5 مىڭ تەڭگە، ونىڭ 119,1 مىڭى - جالدامالى جۇمىستان، 17,4 مىڭى - ءوزىن جۇمىسپەن قامتۋدان جانە كاسىپكەرلىك قىزمەتتەن.

ال الەۋمەتتىك ترانسفەرتتەر بويىنشا - 30 پايىزدان از. ونىڭ ىشىندە 43,7 مىڭ تەڭگە - زەينەتاقى، ال جاردەماقى، شاكىرتاقىلار، ااك جانە تۇرعىن ءۇي كومەگى 9,1 مىڭ تەڭگە بولدى.

قالعان كىرىستەرگە 7,2 مىڭ تەڭگەدەن.

ءبىرىنشى توقساندا اۋىل مەن قالا تۇرعىندارىنىڭ اقشالاي كىرىسى اراسىنداعى ايىرماشىلىق  قالا تۇرعىندارىنىڭ پايداسىنا 2020 جىلعى 40,4 پايىزدان 37,7 پايىزعا دەيىن تومەندەدى.

قالالىق جەرلەردە حالىقتىڭ تابىسى 9,9 پايىزعا، ورتا ەسەپپەن جان باسىنا شاققاندا 221,3 مىڭ تەڭگەگە دەيىن، ال اۋىلدىق جەرلەردە 12,1 پايىزعا، 160,6 مىڭ تەڭگەگە دەيىن ءوستى.

Abai.kz