تەمىرعالي كوپباەۆ، «قازىعۇرت» باسپاسىنىڭ ديرەكتورى:

- 2010 جىلى اقپارات جانە مۇراعات كوميتەتى بايلانىس جانە اقپارات مينيسترلىگىنە قاراعان كەزدە، قازاقشاعا شورقاق ماماندار كوركەم ادەبيەتتى جوسپارلاۋ جۇيەسىندە ۇلكەن قاتەلىكتەر جىبەردى. سول كەزدە باسپالاردىڭ مۇمكىندىگىنەن تىس نارسەلەر كۇشتەپ ەنگىزىلدى. مادەنيەت پەن اقپارات سالاسى بىرىككەن سوڭ، ءبارى ەندى قايتا قالپىنا كەلە باستادى.

سالا باسشىلىعىنا بولات قاليانبەكوۆ، قۋات بوراش سەكىلدى ەلگە تانىمال، ساۋاتتى، ادەبيەتتى جەتىك بىلەتىن مامانداردىڭ كەلۋى كوڭىل قۋانتادى. ۆيتسە-مينيستر ارمان قىرىقباەۆتىڭ باسپاگەرلەردىڭ پروبلەماسىن سۇراپ، الماتىدا كەلەلى جيىن وتكىزۋىنىڭ ءوزى - سالاعا سەرپىن بەرگەن سونى جاڭالىق. بۇل - تالايدان بەرى بولماعان جاي. تاۋەلسىزدىك كەزىندە تۋعان جاڭا زامان ادەبيەتىن، جاڭا ەسىمدەردى، جۋرناليستەر قاۋىمىنىڭ تاڭداۋلىلارىن ناسيحاتتاۋعا باسىمدىق بەرىلىپ وتىر. «تاۋەلسىزدىك تولعاۋى» سەرياسى - سونىڭ جارقىن ايعاعى. باسپالاردىڭ ەشقايسىسىن الالاپ جاتقان جوق، ءبارى تاپسىرىس الۋدا. ەندىگى تىلەك - سول تاپسىرىستىڭ كەشىكپەۋى عانا.

ساۋلە احمەتوۆا، «قازاقپارات» باسپا كورپوراتسياسىنىڭ ۆيتسە-پرەزيدەنتى:

- پروزا، پوەزيا سالاسىندا «جاڭا زامان ادەبيەتى» سەرياسى دۇنيەگە كەلىپ، تاۋەلسىزدىك داۋىرىندەگى ادەبيەتكە كوپ كوڭىل بولىنە باستادى.

تەمىرعالي كوپباەۆ، «قازىعۇرت» باسپاسىنىڭ ديرەكتورى:

- 2010 جىلى اقپارات جانە مۇراعات كوميتەتى بايلانىس جانە اقپارات مينيسترلىگىنە قاراعان كەزدە، قازاقشاعا شورقاق ماماندار كوركەم ادەبيەتتى جوسپارلاۋ جۇيەسىندە ۇلكەن قاتەلىكتەر جىبەردى. سول كەزدە باسپالاردىڭ مۇمكىندىگىنەن تىس نارسەلەر كۇشتەپ ەنگىزىلدى. مادەنيەت پەن اقپارات سالاسى بىرىككەن سوڭ، ءبارى ەندى قايتا قالپىنا كەلە باستادى.

سالا باسشىلىعىنا بولات قاليانبەكوۆ، قۋات بوراش سەكىلدى ەلگە تانىمال، ساۋاتتى، ادەبيەتتى جەتىك بىلەتىن مامانداردىڭ كەلۋى كوڭىل قۋانتادى. ۆيتسە-مينيستر ارمان قىرىقباەۆتىڭ باسپاگەرلەردىڭ پروبلەماسىن سۇراپ، الماتىدا كەلەلى جيىن وتكىزۋىنىڭ ءوزى - سالاعا سەرپىن بەرگەن سونى جاڭالىق. بۇل - تالايدان بەرى بولماعان جاي. تاۋەلسىزدىك كەزىندە تۋعان جاڭا زامان ادەبيەتىن، جاڭا ەسىمدەردى، جۋرناليستەر قاۋىمىنىڭ تاڭداۋلىلارىن ناسيحاتتاۋعا باسىمدىق بەرىلىپ وتىر. «تاۋەلسىزدىك تولعاۋى» سەرياسى - سونىڭ جارقىن ايعاعى. باسپالاردىڭ ەشقايسىسىن الالاپ جاتقان جوق، ءبارى تاپسىرىس الۋدا. ەندىگى تىلەك - سول تاپسىرىستىڭ كەشىكپەۋى عانا.

ساۋلە احمەتوۆا، «قازاقپارات» باسپا كورپوراتسياسىنىڭ ۆيتسە-پرەزيدەنتى:

- پروزا، پوەزيا سالاسىندا «جاڭا زامان ادەبيەتى» سەرياسى دۇنيەگە كەلىپ، تاۋەلسىزدىك داۋىرىندەگى ادەبيەتكە كوپ كوڭىل بولىنە باستادى.

مينيسترلىك جانىنداعى ساراپتامالىق كوميسسيانىڭ بۇرىن اتى بار دا زاتى جوق ەدى. باسپالار ۇسىنعان كىتاپتار قالاي بولسا سولاي سۇرىپتاۋسىز شىعىپ كەتەتىن. قازىر ساراپتاۋ كوميسسياسىنىڭ بەدەلى ءوستى، كىتاپتاردى جان-جاقتى تالقىلايتىن بولدى. ءتارتىپ كۇشەيىپ، باسىلعان كىتاپتاردىڭ كىتاپحاناعا جەتۋى قاداعالاناتىن بولدى. دەگەنمەن ساراپتاۋ كوميسسياسىنداعى ءمۇيىزى قاراعايداي جازۋشىلار كىتاپ تاراتۋ، قالاماقى پروبلەماسىن بىلە بەرمەيدى. سوندىقتان ءبىر تىلەك، ءومىرىن كىتاپ سالاسىنا ارناعان بەلگىلى باسپا باسشىلارى مينيسترلىك جانىنداعى ساراپتامالىق كوميسسيا قۇرامىنا ەنۋى كەرەك سياقتى.

كادىربەك قۇنىپياۇلى، «ان ارىس» باسپاسىنىڭ باس رەداكتورى:

- مينيسترلىكتىڭ ەڭ ۇلكەن جاڭالىعى - اۆتورعا باسپانى تاڭداۋ قۇقىعىن بەرۋى. ەندى كەز كەلگەن اۆتور قالاعان باسپاسىمەن كەلىسىم-شارت جاساسىپ، ونى نوتاريۋستا كۋالاندىرىپ، مينيسترلىككە ۇسىنسا، وعان دا جوعارىدان اقشا بولىنەدى. ال بۇرىن اۆتور كىتابىنىڭ قاي باسپادان شىعاتىنىن بىلمەيتىن. مەملەكەتتىك تاپسىرىسپەن شىعاتىن كىتاپتاردىڭ عالامتوردا جاريالاناتىن بولۋى ەڭ ءبىر دۇرىس شەشىم بولدى. ويتكەنى ەكى مىڭ دانا تارالىم وقىرمان تۇرماق، ەلىمىزدىڭ تۇكپىر-تۇكپىرىندەگى كىتاپحانالاردىڭ وزىنە ءبىر دانادان دا جەتپەيتىن. قازىر، قۇدايعا شۇكىر، عالامتوردى پايدالانۋشىلار سانى جىلدان جىلعا ارتىپ كەلەدى. عالامتوردىڭ ارقاسىندا اۆتورمەن تۇتاس قازاقستان قوعامى بەلگىلى دەڭگەيدە تانىس بولادى.

وقىرمان نازارىنا ۇسىنىلاتىن كىتاپتا بىردەن بايقالاتىن نارسە - ءماتىننىڭ تازالىعى، ەملەنىڭ دۇرىستىعى جانە جاتىق وقىلۋى. دەمەك، بۇدان بىلاي رەداكتورلىق جانە كوررەكتورلىق جۇمىستىڭ ۇقىپتى ورىندالۋىن كەز كەلگەن وقىرمان عالامتوردان قاداعالاي الادى. سوندىقتان باسپا ءوزىنىڭ باستى مىندەتى - رەداكتسيامەن دۇرىس جۇمىس جاساۋدى جولعا قويۋى ءتيىس.

ساۋالنامانى جۇرگىزگەن اقتان قوڭىر

«ايقىن» گازەتى