تۇركىستان وبلىسى، تولە بي اۋدانى، سايرام-وگەم ماڭىندا جوعالعان تۋريستەردىڭ سوڭعىسى ءولى كۇيىندە تابىلدى. 22 ماۋسىم كۇنى قۇتقارۋشىلار ايعىرجىققان جانە وگەم وزەندەرىنىڭ قوسىلعان تۇسىنان ادام دەنەسىن تاپقان. قازىرگى تاڭدا وقيعا ورنىنا "قازاۆياقۇتقارۋ" تىكۇشاعى جىبەرىلگەن.

دەنەنى تەكسەرۋ ماقساتىندا پوليتسيا قىزمەتكەرلەرىنە بەرىلدى. ىزدەستىرۋ جۇمىستارى سەگىز باعىت بويىنشا جۇرگەن. وعان 107 قىزمەتكەر، 17 تەحنيكا، ءۇش كۆادروكوپتەر، ءبىر تىكۇشاق قاتىسقان. 21 مامىر كۇنى تۇركىستان وبلىسىندا 7 تۋريست جوعالىپ كەتكەنى جايلى حابار تاراعان بولاتىن. ولاردىڭ ۇشەۋى تابىلىپ، تورتەۋى قازا تاپتى.

Abai.kz