الماتى قالاسىنىڭ باس سانيتارلىق دارىگەرى جانداربەك بەكشين رسك-دا وتكەن بريفينگتە قالا تۇرعىندارىن جاڭا "دەلتا شتامىن" جۇقتىرماس ءۇشىن ۆاكتسيناتسيالاۋعا شاقىردى. "دەلتا-شتامم" دەگەنىمىز حالىقارالىق نەگىزدە ءۇندى شتاممى دەگەن اتپەن بەلگىلى. قازىرگى تاڭدا اتالمىش شتامم الەمنىڭ 90 ەلىندە انىقتالعان. 

الماتى قالاسىندا كوروناۆيرۋستى ەكىنگى قايتارا جۇقتىرعان 32 جاعداي تىركەلگەن. "سوندىقتان دا قاۋىپتى ينفەكتسيامەن، اسىرەسە ونىڭ شتامدارىمەن اۋىرماۋ ءۇشىن كوروناۆيرۋسقا قارسى ۆاكتسينا الۋ كەرەك", - دەدى بەكشين. بەكشين اۋرۋدى بولدىرماۋعا جانە ءولىمدى تومەندەتۋگە ۆاكتسينا عانا كومەكتەسەدى دەپ باسا ايتتى. الماتىدا وسى ۋاقىتقا دەيىن 386222 ادامعا ۆاكتسينا ەگىلگەن. وتكەن تاۋلىكتە 5840 ادام كوۆيدكە قارسى ۆاكتسينالار الدى. 60 جاستان اسقان ۆاكتسيناتسيالانعان ادامداردىڭ جالپى سانىنان 49314 ادامدى قۇرايدى.

باس سانيتار ءۇندى شتامىنىڭ بەلگىلەرىن دە اتاپ ءوتتى. "نەگىزىنەن بۇل شتامدى جاستار جۇقتىرادى. نەگىزگى بەلگىلەرى - باس اۋرۋى، مۇرىننان سۋ اعۋ، تاماق اۋرۋى، جوعارى تەمپەراتۋرا. سونىمەن قاتار، ادەتتە ءيىس سەزىمى جوعالىپ كەتپەيدى جانە جوتەل بولمايدى", - دەدى ول.

Abai.kz