قىرعىزستان پرەزيدەنتى سادىر جاپاروۆ ۇلتتىق قاۋىپسىزدىك مەملەكەتتىك كوميتەتىنىڭ جەمقورلىقپەن كۇرەس قىزمەتىن تاراتقىسى كەلەتىنىن مالىمدەدى. مەملەكەت باسشىسىنىڭ ايتۋىنشا، ءتيىستى جارلىق دايىن بولىپ قالدى. بۇل تۋرالى centralasian.orgقا سىلتەمە جاساپ Abai.kz حابارلايدى.

جاپاروۆ 23 ماۋسىمدا بيزنەس-قاۋىمداستىق وكىلدەرىمەن كەزدەستى. ول قۇقىق قورعاۋ ورگاندارىنىڭ كاسىپكەرلەرگە كوپ كەدەرگى جاسايتىنىن سىناپ، كەزىندە قارجى پوليتسياسىنىڭ شاعىمنىڭ كوبەيۋىنە بايلانىستى جويىلعانىن ەسكە سالدى. ونىڭ ايتۋىنشا، مۇنداي شەشىم كاسىپكەرلەردى قورعاۋ ماقساتىندا قابىلدانعان. سونىمەن بىرگە پرەزيدەنت ارنايى قىزمەت قۇرامىنداعى جەمقورلىقپەن كۇرەس قىزمەتىن تاراتقىسى كەلەتىنىن، ونىڭ ورنىنا جەمقورلىققا قارسى ىسكەرلىك كەڭەس قۇرىلاتىنىن مالىمدەدى.

2020 جىلعى قازان وقيعاسىنان سوڭ مەملەكەتتىك "ەركين-توو" گازەتىندە بيلىكتەن كەتىپ بارا جاتقان پرەزيدەنت سوورونباي جەەنبەكوۆتىڭ جەمقورلىقپەن كۇرەس قىزمەتىن تاراتۋ تۋرالى جارلىعى جاريالانعان، بىراق بۇل قۇجات پرەزيدەنت سايتىنا شىقپادى.

ۇلتتىق قاۋىپسىزدىك مەملەكەتتىك كوميتەتىنىڭ جەمقورلىقپەن كۇرەس قىزمەتى 2011 جىلى بۇرىنعى پرەزيدەنت المازبەك اتامباەۆ بيلىگى كەزىندە قۇرىلعان.

Abai.kz