ۆاكتسينا الۋعا ىنتالاندىرۋ قارقىندى تۇردە ءجۇرىپ جاتىر. نۇر-سۇلتان قالاسىنىڭ اكىمى التاي كولگىنوۆ ءوزىنىڭ Instagram پاراقشاسىندا ۆاكتسينانىڭ ءبىرىنشى كومپونەنتىن وسى جىلدىڭ 25 ماۋسىمى مەن 31 تامىزى ارالىعىندا قابىلداعان 18 جاستان اسقان قالا تۇرعىندارى اراسىندا پاتەر ويناتىلاتىنىن مالىمدەدى.

"جاڭا ۆاكتسينا العاندار اراسىندا ەكى بولمەلى پاتەر ويناتامىز. پاتەر جەكە قاراجاتتى تارتۋ ارقىلى الىنعان.  ۇتىس ويىنىنا قالالىق ەمحانالارعا نەمەسە ساۋدا ورتالىعىنداعى ۆاكتسيناتسيا پۋنكتتەرىندە جانە ت.ب. ۆاكتسيناتسياعا كەلگەن بارلىق قالا تۇرعىندارى قاتىسا الادى. ۇستىمىزدەگى جىلدىڭ 25 ماۋسىمى مەن 31 تامىزى ارالىعىندا ۆاكتسينانىڭ ءبىرىنشى كومپونەنتىن العان 18 جاستان اسقان ازاماتتار پاتەر ۇتىسىنا قاتىسادى. ناتيجەسىن قىركۇيەكتىڭ باسىندا جاريالايمىز. ادال باسەكەلەستىك پەن ۆاكتسيناتسيا العاندار سانىن قامتۋ ءۇشىن ءبىز ءوزىمىزدىڭ ءىت قوعامداستىقتى جۇمىلدىرامىز", - دەدى نۇر سۇلتان قالاسىنىڭ اكىمى.

قازاقستاندا جاپپاي ۆاكتسينا ەگۋ باستالعانىنا مىنە 5 اي بولدى. ۆاكتسينا العاندار سانى 2.8 ملن ادامدى قۇرايدى. دەنساۋلىق ساقتاۋ ءمينيسترى قارا كۇزگە دەيىن 10 ملن تۇرعىندى قامتيتىنىن مالىمدەگەن ەدى. الايدا ول جوسپارىن ورىنداۋعا بار بولعانى 2 اي ۋاقىتى قالدى.

Abai.kz