28-29 ماۋسىمدا قىرعىزستان پرەزيدەنتى سادىر جاپاروۆ تاجىكستانعا رەسمي ساپارمەن بارادى. بۇل تۋرالى بۇگىن تاجىكستاننىڭ سىرتقى ىستەر مينيسترلىگى حابارلادى.

بۇل جاپاروۆتىڭ قىرعىزستان پرەزيدەنتى رەتىندە تاجىكستانعا العاشقى ساپارى. 30 ساۋىردە تاجىكستان پرەزيدەنتى ەمومالي راحمونمەن تەلەفون ارقىلى سويلەسۋ كەزىندە اتالمىش ساپار جوسپارلانعان بولاتىن. ەكى مەملەكەت باسشىلارى قىرعىز-تاجىك شەكاراسىنداعى قاقتىعىس جاعدايىنا بايلانىستى تەلەفون ارقىلى سويلەسكەن ەدى. راحمون جاپاروۆتى تاجىكستانعا رەسمي ساپارمەن شاقىرعان بولاتىن. قىرعىز رەسپۋبليكاسى پرەزيدەنتىنىڭ ءباسپاسوز قىزمەتى حابارلاعانداي، مەملەكەت باسشىلارى مامىردىڭ ەكىنشى جارتىسىندا دۋشانبەدە بەتپە-بەت كەزدەسۋ وتكىزۋگە كەلىستى.

قىرعىزستان مەن تاجىكستان شەكاراسىندا قاقتىعىس 28 ساۋىردە باستالىپ، ەكى كۇنگە سوزىلدى. قاقتىعىس سالدارىنان قوس تاراپتان جۇزگە تارتا ادام قازا تاۋىپ، سوعىسقا ۇلاسۋ قاۋپى ارتقان بولاتىن.

Abai.kz