قازاق حالقى ءوزىنىڭ بوداندىق تاريحىندا 360 تان استام ۇلت-ازاتتىق كوتەرىلىستەر جاساپتى.

ەگەر وسى دەرەكتىڭ حرونولوگيالىق رەتپەن گرافيكالىق سحەماسىن (كەستەسىن) جاسايتىن بولساق، وندا ءبىز حالقىمىزدىڭ قاي كەزدەرى قاتتى قيىنشىلىقتارعا تاپ بولعانى، قاي كەزدە ءبىرشاما تۇراقتىلىق بولعانىن انىقتاي الامىز.

مۇنى ءبىلۋ وتە ماڭىزدى.

سەبەبى، ءبىز سول ارقىلى حالىقتىڭ تىنىس تىرشىلىگى، كوكەيكەستى ارمانى تۋرالى جانە قازاق حالقىنىڭ قابىلدايتىن بيلىك فورماتى ت.ت. كوپتەگەن قۇندى ماعلۇماتتار الامىز.

ەكىنشىدەن، كوتەرىلىستەردى تۋىنداتۋشى نەگىزگى فاكتورلاردى انىقتاي وتىرىپ، ءبىز قازاق حالقىن باسقارۋدىڭ پروگرەستى، نە بولماسا، رەگرەستى سيپاتتارىن انىقتايمىز.

وسىلاردى انىقتاي وتىرىپ، ءبىز مەملەكەتتىك تۇرعىدا دامۋدىڭ، قازاق ۇلتىن دامىتاتىن باسقارۋ تاسىلدەرى قانداي بولۋى كەرەكتىگىن انىقتاپ، وسى پروگرەستى باعىتتا بارلىق رەسۋرستى (مەملەكەتتىك، حالىقتىق، ۇلتتىق ت.ت.) جۇمىلدىرۋدىڭ تەوريالىق-پراكتيكالىق تەتىكتەرىن ىسكە قوسۋدى جەڭىلدەتەر ەدىك...

قازىرگى جاعدايدا نارازىلىقتار بار.

ولار بىردە شاعىن بىردە زور ميتينگىلەر نە اكتسيالار سيپاتىندا وتۋدە.

بىراق، ءبىز ونى ميتينگىگە قانشا ادام قاتىستى دەگەن ولشەممەن ولشەۋدەمىز. ءيا، ول دا ماڭىزدى. بىراق

ءبىز مەملەكەتتىك دامۋ مەن حالىق ءومىرىنىڭ تامىرىن باسامىز دەسەك، وندا ءار جىلعى نارازىلىقتاردىڭ سانىنا دا نازار اۋدارۋىمىز كەرەك.

مەيلى، ول جالعىز ءبىر ادام وتكىزگەن پيكەت بولسىن، بىراق ەسەپكە الىنۋى ءتيىس.

سول ارقىلى ءبىز كوتەرىلەتىن ماڭىزدى ماسەلەلەر اۋقىمىن انىقتاپ، بازاسىن جاساپ، ءوز دامۋىمىزدى بولاشاق قاتەرلەردەن قورعاي الاتىن پوتەنتسيالدى كۇشكە يە بولامىز.

ارينە، ول ءۇشىن مەملەكەت جەكەمەنشىك ەمەس، حالىقتىق سيپاتتا بولۋى كەرەك.

ونىن ۇرانى - مەملەكەت دەگەن ءبىز.

ءابدىراشيت باكىردىڭ جازباسى

Abai.kz