بەلسەندى بايبولات كءۇنبولاتۇلىن قولداۋشى توپ 25 ماۋسىمعا قاراعان تءۇءنى الماتىنىڭ مەدەۋ اۋداندىق پوليتسيا باسقارماسىنىڭ الدىندا تءۇنەپ شىقتى. ءبىر كءۇن بۇرىن ونداعان ادام باسقارما الدىندا "زاڭسىز پيكەت ۇيىمداستىرعانى ءۇءشىن" قامالعان بايبولات كءۇنبولاتۇلىن بوساتۋدى تالاپ ەتكەن ەدى.

جۇماعا قاراعان ءتۇنى قالادا جاڭبىر جاۋىپ، اۋا رايى سالقىندادى. "ناعىز اتاجۇرت" ۇيىمىنىڭ جەتەكشىسى بەكزات ماقسۇتحاننىڭ ايتۋىنشا، حالىق كومەگىنىڭ ارقاسىندا نارازىلار قاتتى توڭباي، قارنى اشپاي، ءتۇندى وتكىزگەن.

– پوليتسيانىڭ الدىندا ءبىر اركا بار ەكەن. اپايلار سول جەردە جاتتى. ءبىز سىيعانىمىزشا كولىكتى پانالادىق. حالىق قولداپ جاتىر. ءبىز تانىمايتىن ادامدار كەلىپ، تاماقتى ءۇيىپ تاستادى. ءبىز توڭىپ قالماسىن دەپ استىمىزعا توسەنىش، كورپە، كۇرتەشە، سپورتتىق كيىم، ءبارىن اكەپ تاستادى. ء"بىز ۆيدەولاردى كورىپ وتىرمىز" دەدى. بۇگىن دە نارازىلىق بولادى، – دەدى بەكزات ماقسۇتحان ازاتتىق تىلشىسىنە. ونىڭ ايتۋىنشا، پوليتسيا الدىندا شامامەن 15 شاقتى ادام تۇنەگەن.

بۇل اقپاراتتى نارازىلاردىڭ ءبىرى الماحان مىرزانقىزى دا راستادى. ولار "تالاپتارىمىز ورىندالمايىنشا بۇل جەردەن كەتپەيمىز" دەدى.

الەۋمەتتىك جەلىدە جاريالانعان ۆيدەودا كەيبىر نارازىلاردىڭ پوليتسيا عيماراتى ماڭىنداعى كوگالدا جاتقانى كورىنەدى. كەيبىرى ساكىگە جايعاسقان.

بەكزات ماقسۇتحاننىڭ ايتۋىنشا، 24 ماۋسىمدا بايبولات كۇنبولاتۇلىنىڭ اپەللياتسيالىق شاعىمى قارالۋى ءتيىس بولعان، بىراق ءالى قارالماعان. "بۇگىن قارالىپ، ونى بوساتۋى ءتيىس. سەبەبى، جۇرت سونى تالاپ ەتىپ وتىر" دەدى ول.

بەيسەنبى كۇنى پروكۋراتۋرا شارانىڭ "زاڭسىز" ەكەنىن ەسكەرتىپ، تاراۋدى سۇراعان. بىراق جۇرت تاراۋدان باس تارتقان. پوليتسيا وكىلدەرى نارازىلارعا كۇنبولاتۇلىنىڭ "باسقا جاقتا جازاسىن وتەپ جاتقانىن" ايتىپ، تالاپتارىنىڭ "ورىنسىز" ەكەنىن جەتكىزگەن.

بايبولات كۇنبولاتۇلى – شىڭجاڭدا ۇزاق جىل تۇرمەگە قامالعان ءىنىسىنىڭ بوستاندىعىن بىرنەشە جىلدان بەرى تالاپ ەتىپ جۇرگەن الماتىلىق بەلسەندى. ول سول ءۇشىن بىرنەشە رەت اكىمشىلىك جاۋاپقا تارتىلدى. سوڭعى رەت 22 ماۋسىمدا الماتى سوتى ونى "قىتاي كونسۋلدىعى الدىنداعى پيكەتتى ۇيىمداستىرعانى ءۇشىن" 15 تاۋلىككە قاماعان. قازىر ول ۋاقىتشا قاماۋ يزولياتورىندا وتىر. سوت وسى اپتادا تاعى بىرنەشە بەلسەندىگە "زاڭسىز پيكەت وتكىزگەنى ءۇشىن" ايىپپۇل سالدى.

الماتىنىڭ قىتاي كونسۋلدىعى الدىندا نارازىلىق اكتسياسىنىڭ ءوتىپ جاتقانىنا 130 كۇننەن اسقان. نارازىلار قىتايدان جاقىندارىن بوساتۋدى تالاپ ەتەدى. ولاردىڭ كەيبىرى تۋىستارىنىڭ شىڭجاڭداعى "ساياسي قايتا تاربيەلەۋ" لاگەرىنە قامالعانىن ايتسا، كەيبىرى "نەگىزسىز ايىپتارمەن" كوپ جىلعا سوتتالعانىنا، ەندى ءبىرى قىتاي بيلىگى شىڭجاڭداعى تۋىستارىنىڭ قۇجاتتارىن تارتىپ الىپ، قازاقستانعا شىعارماي قويعانىنا شاعىمدانادى.

وسى ۋاقىت بويى ولار كونسۋلدىقتان ماردىمدى جاۋاپ الا الماعان. ال قازاقستان سىرتقى ىستەر مينيسترلىگى "قىتايدىڭ ىشكى ىسىنە ارالاسا المايتىنىن" ايتىپ وتىر.

- بۇعان دەيىن حالىقارالىق ۇيىمدار مەن باتىس ەلدەرى پەكيندى شىڭجاڭ ولكەسىندە ۇيعىر، قازاق، قىرعىز جانە وزگە دە مۇسىلمان توپتارعا "گەنوتسيد" جاسادى دەپ ايىپتاعان. پەكين مۇنى جوققا شىعارعان.

دەرەككوز: Centralasian

Abai.kz