الماتىدا بۇقارالىق اقپارات قۇرالدارى قىزمەتكەرلەرى كۇنى قارساڭىندا قر اقپارات جانە قوعامدىق دامۋ ءمينيسترى ايدا بالاەۆا باق باسشىلارىمەن كەزدەستى.

ءىس-شاراعا رەسپۋبليكالىق تەلەارنالاردىڭ، جەتەكشى باسپا باسىلىمدارىنىڭ جانە ءىرى ينتەرنەت-رەسۋرستاردىڭ باسشىلارى قاتىستى.

مينيستر قاتىسۋشىلاردى الداعى كاسىبي مەرەكەمەن قۇتتىقتاپ، بيىلعى جىلى باق قىزمەتكەرلەرى كۇنى قازاقستان تاۋەلسىزدىگىنىڭ 30 جىلدىعىمەن تۇسپا-تۇس كەلۋى بۇل داتاعا ەرەكشە يدەولوگيالىق ءمان بەرەتىنىن اتاپ ءوتتى.

"جۋرناليستيكانىڭ قوعامدىق ماڭىزى زور - سىزدەر الەۋمەتتىك، ءدىني، ۇلتارالىق، قۇقىقتىق سالالاردا ءتۇسىندىرۋ جۇمىستارىن جۇرگىزەسىزدەر، حالىقتىڭ ساۋاتتىلىعىن ارتتىرىپ، قازاقستاندىقتاردى ءوز مۇددەلەرىن، پرەفەرەنتسيالارىن ساقتاۋعا جانە قايىرىمدىلىققا تارتاسىزدار.

بۇل نارسەلەرگە مەملەكەت كەپىلدىك بەرەدى، بىراق ولاردىڭ كەيبىرەۋلەرى قوعامدا جەتكىلىكسىز بەلگىلى. كوپتەگەن جۋرناليستەر ۆولونتەرلەرمەن، ەكولوگيا قورعاۋشىلارىمەن تىعىز جۇمىس ىستەيدى، قوعامدىق باقىلاۋ توپتارىنا كىرەدى، ءتۇرلى سالالاردا مەدياتسيامەن اينالىسادى.

سىزدەردىڭ ەڭبەكتەرىڭىز مەملەكەتتىك ورگانداردى كەلەڭسىز ۇردىستەرگە نازار اۋدارۋعا جانە قاتەلەردى تۇزەتۋگە، ءتيىمدى ءارى جەدەل جۇمىس ىستەۋگە ءوز سەپتىگىن تيگىزەدى", - دەدى ا.بالاەۆا.

قاتىسۋشىلار كەزدەسۋ بارىسىندا سىندارلى پىكىر الماسىپ، اقپاراتتىق تەحنولوگيالاردىڭ دامۋى جاعدايىندا باق ترانسفورماتسياسى مەن وتاندىق جۋرناليستيكانىڭ بولاشاعىنا قاتىستى بىرقاتار ماسەلەلەردى كوتەردى.

Abai.kz