ءماجىلىس توراعاسى نۇرلان نىعماتۋلين قازاقستان پرەزيدەنتىنىڭ بىتىمگەرشىلىك ماسەلەلەرى بويىنشا ۇقشۇ باس حاتشىسىنىڭ ارنايى وكىلى ينستيتۋتىن قۇرۋ تۋرالى باستاماسى ۇيىمنىڭ بۇۇ ءتيىستى قۇرىلىمدارىمەن ءوزارا ءىس-قيمىل مۇمكىندىگىن كەڭەيتەتىنىنە سەنىمدى.  

بۇگىن بەينەكونفەرەنتسيا فورماتىندا ۇقشۇ پارلامەنتتىك اسسامبلەياسىنىڭ وتىرىسى ءوتىپ، وندا قازاقستان پرەزيدەنتى قاسىم-جومارت كەمەلۇلى توقاەۆتىڭ بىتىمگەرشىلىك ماسەلەلەرى بويىنشا ۇقشۇ باس حاتشىسىنىڭ ارنايى وكىلى ينستيتۋتىن قۇرۋ تۋرالى باستاماسى تالقىلاندى.  

وتىرىستا ءسوز سويلەگەن ءماجىلىس توراعاسى نۇرلان نىعماتۋلين اتاپ وتكەندەي، قازاقستان جاھاندىق جانە ايماقتىق دەڭگەيدەگى وزەكتى ماسەلەلەردى شەشۋ ءۇشىن حالىقارالىق ءوزارا ءىس-قيمىلدى ودان ءارى تەرەڭدەتۋگە جانە نىعايتۋعا نيەتتى. سەبەبى، قازىرگى ۋاقىتتا ايماقتىق قاۋىپسىزدىك تاقىرىبىنىڭ وزەكتىلىگى بۇرىنعىدان دا ارتا ءتۇستى.

ءماجىلىس سپيكەرى سونداي-اق، ۇقشۇ ۇيىمىنىڭ بىتىمگەرشىلىك الەۋەتىن دامىتۋدىڭ ماڭىزدىلىعىنا دا باسا نازار اۋداردى.  وسى رەتتە قازاقستان پرەزيدەنتى قاسىم-جومارت كەمەلۇلى توقاەۆتىڭ بىتىمگەرشىلىك ماسەلەلەرى بويىنشا ۇقشۇ باس حاتشىسىنىڭ ارنايى وكىلى ينستيتۋتىن قۇرۋ تۋرالى باستاماسىن جۇزەگە اسىرۋ ۇيىمنىڭ بۇۇ ءتيىستى قۇرىلىمدارىمەن ءوزارا ءىس-قيمىل مۇمكىندىگىن كەڭەيتەتىندىگىن العا تارتا كەلە نۇرلان نىعماتۋلين وسى سالاداعى وزەكتى سۇراقتاردى جاڭا ساپالىق دەڭگەيدە شەشۋگە، سونىمەن بىرگە، بۇۇ بىتىمگەرشىلىك الەۋەتىن ارتتىرۋعا جول اشاتىنىنا سەنىم ءبىلدىردى.

وتىرىستا سونداي-اق، تاجىكستاننىڭ 2021 جىلى ۇقشۇ توراعالىعى، ۇقشۇ اياسىندا قول جەتكىزىلگەن ۇقشۇ ارىپتەستىك مارتەبەسىنە، قازاقستاندا، ارمەنيادا، قىرعىزستاندا وتكەن سايلاۋلاردا ۇقشۇ پا اتىنان قاتىسقان حالىقارالىق بايقاۋشىلار توبى جۇمىستارىنىڭ قورىتىندىسىنا قاتىستى  حالىقارالىق كەلىسىمدەر توڭىرەگىندە اڭگىمە ءوربىدى.

ۇقشۇ پا كەڭەسى اسسامبلەيا قىزمەتىن ۇيىمداستىرادى، ونىڭ قۇرامىندا قازاقستان، ارمەنيا، بەلارۋس، قىرعىزستان، رەسەي جانە تاجىكستان ەلدەرى پارلامەنتتەرىنىڭ باسشىلارى بار.

Abai.kz