تءالىپتەر اۋعانستاننىڭ سولتءۇستىگىندە جاڭا اۋماقتاردى باسىپ الىپ, سالدارىنان اۋعان ءاسكەرىنىڭ 300-دەن استام ساربازى تءاجىكستانعا ءوءتتى. بۇل تۋرالى 3 شىلدەدە تءاجىكستان شەكارا قىزمەتى حابارلادى.

اۋعان اسكەريلەرى كەيىنگى ەكى اپتادا وسىمەن تاجىكستانعا ءۇشىنشى مارتە ءوتىپ وتىر.

تاجىك شەكارا قىزمەتىنىڭ مالىمدەۋىنشە، تالىپتەر اۋعانستاننىڭ سولتۇستىك-باتىسىندا ورنالاسقان باداحشان پروۆينتسياسىنداعى بىرقاتار اۋىل مەن شەكارا بەكەتىن باسىپ الىپ، 300-دەن استام اۋعان ساربازى تاجىكستاننىڭ حاتلون وبلىسىنداعى شامسيددين شوحين اۋدانىنا قاشۋعا ءماجبۇر بولعان.

كەيىنگى اپتالاردا "تاليبان" قوزعالىسى ۇكىمەت كۇشتەرىنىڭ باقىلاۋىندا بولعان ونداعان اۋداندى باسىپ الدى. بۇل جاعداي اقش باستاعان شەتەل كۇشتەرىنىڭ اۋعانستان كەتىپ جاتقانىندا بولىپ وتىر. قازىر شەتەل اسكەرى كەتكەن سوڭ باتىس قولداۋىنا يە اۋعان ۇكىمەتىنىڭ كۇنى نە بولادى دەگەن الاڭ كۇشەيىپ بارادى.

ۇجىمدىق قاۋىپسىزدىك تۋرالى شارت ۇيىمى (ۇقشۇ – رەسەي جەتەكشىلىك ەتەتىن اسكەري وداق، وعان تاجىكستان دا كىرەدى) 3 شىلدە كۇنى جۋرناليستەرگە جاعدايدان باقىلاۋدان الاڭ تۋدىرىپ وتىرعانىن، "تاجىك-اۋعان شەكاراسىن كۇشەيتۋگە" قوسىم قولداۋ قاجەت بولۋى مۇمكىن ەكەنىن ايتتى.

اقش اۋعانستاننان اسكەرىن شىعارىپ جاتقان تۇستا ۆاشينگتون ورتالىق ازيادان ستراتەگيالىق ارىپتەس ىزدەۋگە كوشتى. 1 شىلدە كۇنى اقش مەملەكەتتىك حاتشىسى ەنتوني بلينكەن ۆاشينگتوندا وزبەكستان مەن تاجىكستان سىرتقى ىستەر مينيسترلەرىمەن كەزدەستى، كۇن تارتىبىندە اۋعان تاقىرىبى دا بولدى.

Abai.kz