الماتى وبلىسىندا كوروناۆيرۋسقا بايلانىستى جاڭا قاۋلى شىقتى. بۇل قاۋلى 7 شىلدەدەن باستاپ كۇشىنە ەنەدى.

«ويىن-ساۋىق، بۇقارالىق مەرەكەلىك ءىس-شارالاردى، كورمەلەردى، كونفەرەنتسيالاردى، فورۋمداردى، كورپوراتيۆتەردى، وتباسىلىق ءىس-شارالاردى (ەسكە الۋ، بانكەتتەر، ۇيلەنۋ تويلارى، مەرەيتويلار، اۋىزاشار), ونىڭ ىشىندە ۇيدە جانە ادامدار كوپ جينالاتىن وزگە دە ءىس-شارالاردى ۇيىمداستىرۋعا جانە وتكىزۋگە تىيىم سالىنسىن»،- دەلىنگەن

الماتى وبلىسىنىڭ باس مەملەكەتتىك سانيتاريالىق دارىگەرى ەرعالي سىدىمانوۆتىڭ بۇگىن شىققان N13 قاۋلىسىندا.

سونداي-اق، قاۋلىدا بۋكمەكەرلىك كەڭسەلەرىنىڭ قىزمەتىنە تىيىم سالىنعان.

«قوعامدىق كولىكتەردە، تاكسيلەردە، اۋەجايلاردا، اۋلاداعى بالالار الاڭدارىنا، ازىق-تۇلىك جانە ازىق-تۇلىك ەمەس بازارلار مەن باسقا دا قوعامدىق ورىنداردا سانيتاريالىق جانە دەزينفەكتسيالىق وڭدەۋدى جۇرگىزۋ، قوعامدىق كولىك ايالدامالارىنا كۇنىنە كەمىندە ەكى رەت، قوعامدىق كولىككە ءاربىر رەيس الدىندا جۋ جانە دەزينفەكتسيالاۋ قۇرالدارىن قولدانا وتىرىپ وڭدەۋدى جۇرگىزۋ مەندەتتەلدى»،- دەلىنگەن جاڭادان شىققان قاۋلىدا.

Abai.kz