«Daryn Online» رەسپۋبليكالىق ءبىلىم بەرۋ پلاتفورماسىنىڭ ۇيىمداستىرۋىمەن «كارانتيندەگى ءبىلىم بەرۋ: قازاقستان جانە الەم» اتتى ءباسپاسوز كونفەرەنتسياسى ءوتتى.

قازاقستاندىق وقۋشىلاردىڭ كارانتيندە العان ءبىلىمى قانداي دەڭگەيدە؟ ەلىمىزدەگى ونلاين ءبىلىم بەرۋ جۇيەسىنىڭ احۋالى قانداي؟ قازىرگى الەمدىك پاندەميا وقۋ پروتسەسىنە قالاي ىقپال ەتتى؟ وقۋشىلار ءۇشىن وڭتايلى، ءتيىمدى ءبىلىم الۋ جۇيەسىنىڭ فورماسى قانداي؟ كونفەرەنتسيادا وسى سەكىلدى وزەكتى    سۇراقتارعا جاۋاپ بەرىلدى.

كونفەرەنتسيادا «Daryn Online» ءبىلىم بەرۋ پلاتفورماسىنىڭ نەگىزىن قالاۋشى، يدەيا اۆتورى ايبەك قۋاتباي، جوبا كەڭەسشىسى سادىق شەرىمبەك، «Daryn Online» پلاتفورماسىنىڭ ديرەكتورى اسقار ماقسات پاندەميا كەزىندە ءبىلىمنىڭ ساپاسىن جاقسارتۋ ءۇشىن تىڭ جوسپارلاردى العا تارتىپ، بىرقاتار ماسەلەلەردىڭ ءتۇيىنىن كورسەتتى.

«ەلدىڭ ەرتەڭى – سانالى ۇرپاق تاربيەلەۋدە ءبىلىم بەرۋ ءىسى ماڭىزدى ەكەنى بەلگىلى. ال، قازىر كۇللى الەم بەتپە-بەت كەلگەن قاشىقتان وقىتۋ جۇيەسى – ءسىز بەن ءبىزدى الاڭداتاتىن بۇگىنگى كۇننىڭ وزەكتى، وتكىر ماسەلەسى بولىپ وتىر. وتكەن جىلدان باستاپ زالالىن تيگىزگەن پاندەميا بىرقاتار ماماندىقتاردى شەتتەتىپ، جاڭا ۇدەرىس پەن ۇردىستەر قالىپتاستىردى. وسى ورايدا Daryn online ءبىلىم بەرۋ پلاتفورماسى ءبىلىم كوكجيەگىنە جاڭا بەلەستى باعىندىرۋدا ءبىراز ىقپال جاسادى. ميلليونداعان وقۋشى مەن مىڭداعان ۇستازدار ونلاين ءبىلىم بەرۋ جۇيەسىنە وڭاي ماشىقتاندى» - دەدى ءوز سوزىندە Daryn online پلاتفورماسىنىڭ نەگىزىن قالاۋشى ايبەك قۋاتباي.

ءبىلىم پلاتفورماسى ءبىلىم ەكوجۇيەسىن قۇراستىرىپ، بارىنشا ساپالى قىزمەت كورسەتۋ ءۇشىن كۇش جۇمسايدى. بىرقاتار جاڭا جوبالاردى قولعا الىپ، ۋاقىت پەن قاشىقتىققا قاراماي وقۋشىلاردىڭ قاجەتتى ءبىلىم الۋىن قامتاماسىز ەتۋدە.  وسى ورايدا جاڭاشىل ءبىلىمنىڭ جاندانۋىنا سەپ بولىپ وتىرعان عىلىم جانە ءبىلىم ءمينيسترى اسحات ايماعامبەتوۆكە زور العىستارىن بىلدىرەدى.

«الەمگە تونگەن ىندەتتىڭ ناتيجەسىندە ءبىز كوپتەن بەرى قولعا الۋ كەرەك بولعان جاڭا ۇردىسكە كوشتىك. بۇل – «ونلاين» ءۇردىس. الەمدىك ءبىلىم بەرۋ ادىستەرىنە قاراساق، ونلاين فورمات جەتكىلىكتى تۇردە دامىپ كەتكەن. سوندىقتان پاندەميا كەزىندە دە، ودان كەيىن دە قاشىقتان وقۋدىڭ پايداسى كوبىرەك. وسى ورايدا Daryn online پلاتفورماسى Daryn Tutor, Daryn Teacher, Horda, Daryn Tandau سەكىلدى جوبالاردى قولعا الىپ، كوپشىلىكتىڭ يگىلىگى ءۇشىن قىزمەت اتقارۋدا» - دەدى  Daryn online پلاتفورماسىنىڭ ديرەكتورى اسقار ماقسات.

ءباسپاسوز كونفەرەنتسيا قورىتىندىسى بويىنشا، الداعى ۋاقىتتا اتقارىلاتىن جۇمىستار جانە جاسالىناتىن جوبالاردىڭ ۇستازدار مەن وقۋشىلار ءۇشىن تيىمدىلىگى ساراپتالدى. قازاقستاننىڭ ءبىلىم بەرۋ جۇيەسىن، وزاتتىق كورسەتكىشىن الەمنىڭ الپاۋىت مەملەكەتتەرىمەن تەڭەستىرۋ ءۇشىن بىرقاتار جولدار قاراستىرىلدى.

ەسكە سالا كەتسەك، Daryn online  پلاتفورماسى 2018 جىلدان بەرى ونلاين رەجيمدە ساباقتار ءتۇسىرىپ، قاشىقتان ءبىلىم بەرۋ ءىسىن دامىتىپ كەلەدى. سونىمەن قاتار پلاتفورمادا وقۋشىلاردى ۇبت-عا، وليمپياداعا دايىنداۋ مەن مۇعالىمدەردى اتتەستاتسيادان وتۋگە دايارلاۋ كۋرستارى قامتىلعان. بۇل ءبىلىم ساپاسىنىڭ دەڭگەيىن جوعارىلاتىپ، وسكەلەڭ ۇرپاقتىڭ الەۋەتىن كوتەرەدى.

Abai.kz