سىبايلاس جەمقورلىققا قارسى قىزمەتتىڭ باسشىسى مارات احمەتجانوۆ بيىل قانشا شەنەۋنىكتىڭ ءىستى بولعانى تۋرالى مالىمدەدى. 

احمەتجانوۆتىڭ ايتۋىنشا، قازاقستاندا سوڭعى التى ايدا ۆيتسە-مينيستر، ءۇش سۋديا، جەتى اكىم مەن ولاردىڭ ورىنباسارلارى ۇستالعان.

- «جەدەل-تەرگەۋ جۇمىسى شەڭبەرىندە التى اي ىشىندە 658 ادام قىلمىستىق جاۋاپكەرشىلىككە تارتىلدى. ونىڭ 61-ءى رەسپۋبليكالىق جانە وبلىستىق دەڭگەيدەگى باسشىلار. ماسەلەن، ولاردىڭ قاتارىندا ۆيتسە-مينيستر، ءۇش سۋديا، جەتى وبلىس اكىمى مەن ولاردىڭ ورىنباسارلارى اشكەرەلەندى. مەنەدجەرلەردىڭ قاراماعىنداعى قىزمەتكەرلەردىڭ سىبايلاس جەمقورلىققا قاتىستى جاۋاپكەرشىلىگىن كۇشەيتۋ اياسىندا 33 لاۋازىمدى تۇلعا جازالاندى، ونىڭ ۇشەۋى قىزمەتىنەن بوساتىلدى.15 ملرد تەڭگە بيۋدجەتكە قايتارىلدى», - دەدى ۆەدومستۆو باسشىسى.

ول سونىمەن قاتار كاسىپكەرلىك ىستەرگە زاڭسىز ارالاسۋدىڭ 60 فاكتىسىنىڭ جولىن كەسكەنىن، كولەڭكەلى ەكونوميكا سۋبەكتىلەرىنە پاتروناتتىق كومەك كورسەتۋدىڭ 45 فاكتىسى جانە جۇيەلىك سىبايلاس جەمقورلىقتىڭ 61 فاكتىسى انىقتالعانىن اتاپ ءوتتى.

«قاراماعىنداعىلاردان ۇنەمى اقشا بوپسالاۋمەن اينالىسقان قورعانىس مينيسترلىگىنىڭ لوگيستيكا جانە قارۋ-جاراق پەن قارجى ءبولىمىنىڭ باسشىلارى ۇستالدى»، - دەپ قوستى احمەتجانوۆ.

Abai.kz