ءبىرىنشى جارتىجىلدىقتىڭ قورىتىندىسى بويىنشا قازاقستان ەكونوميكاسىنىڭ ءوسۋى 2,2% -دى قۇرادى. بۇل تۋرالى ۇكىمەتتىڭ كەڭەيتىلگەن وتىرىسىندا قر پرەمەر-ءمينيسترى اسقار مامين ايتتى.

«قازىرگى كەزدە 600 مىڭ پەداگوگتىڭ ەڭبەكاقىسىن 25 پروتسەنتكە، ال 247 مىڭ مەديتسينا قىزمەتكەرىنىڭ جالاقىسىن بىلىكتىلىگىنە قاراي 20-دان 30 پروتسەنتكە دەيىن كوتەرۋ شارالارى اتقارىلىپ جاتىر», – دەدى مامين ۇكىمەتتىڭ كەڭەيتىلگەن وتىرىسىندا.

اسقار مامين الەۋمەتتىك سالا جۇمىسشىلارىنىڭ جالاقىسى 50 پروتسەنتكە كوتەرىلەتىنىن ايتتى. جانە وسى شارامەن 21 مىڭ ادام قامتىلىپ وتىر ەكەن. وسىلايشا پەداگوگتاردىڭ ورتاشا جالاقىسى 253 مىڭ تەڭگەگە، مەديتسينا قىزمەتكەرلەرىنىڭ ەڭبەكاقىسى 320 مىڭ تەڭگەگە، ال الەۋمەتتىك سالا قىزمەتكەرلەرىنىڭ جالاقىسى 180 مىڭ تەڭگەگە دەيىن كوتەرىلەدى. مەملەكەتتىك قىزمەتشىلەردىڭ جالاقىسى دا كوبەيەدى.

1 شىلدەدەن باستاپ جەرگىلىكتى اتقارۋشى ورگانداردىڭ قىزمەتتىك جالاقىسى 1,9 ەسەگە ءوستى. ال ورتالىق مەملەكەتتىك ورگانداردا جۇمىس ىستەيتىن مەملەكەتتىك قىزمەتشىلەردىڭ جالاقىسى 2022 جىلدىڭ قاڭتارىنان باستاپ جىل سايىن 30 پروتسەنتكە كوتەرىلەدى.  بۇل شارا 2024 جىلعا دەيىن جالعاسادى. وسىلايشا مەملەكەتتىك قىزمەتشىلەردىڭ ورتاشا جالاقىسى 179 مىڭ تەڭگەدەن 267 مىڭ تەڭگەگە دەيىن جوعارىلايدى.

Abai.kz