حالىقارالىق «جاڭاوزەن-2011» كوميتەتى مۇشەلەرىنىڭ حابارلاۋىنشا، اقتاۋ قالاسىندا 21 مامىر كۇنى وتكەن سوت وتىرىسىندا «شەتپە ءىسى» بويىنشا سوت ۇكىمى جاريالانعان.

سوت زالى قارارپايىم ازاماتتارمەن قاتار پوليتسەيلەرگە دە تولى بولعان. سونىڭ ىشىندە قازىر ەسىمى جۇرتشىلىققا وتكەن جىلدىڭ 16 جەلتوقسانى كۇنى جاڭاوزەننىڭ ورتالىق الاڭىندا بەيبىت حالىققا قارسى وق اتۋعا بۇيرىق بەرگەن قاندىقول وفيتسەر رەتىندە كەڭىنەن تانىمال  بولعان پوليتسەي، ماڭعىستاۋ وبلىسى ءىىد قوعامدىق قاۋىپسىزدىك باسقارماسى باستىعىنىڭ ورىنباسارى ۇلىقبەك مىلتىقوۆ تا زالعا بىرنەشە رەت باس سۇققان.

سۋديا بەردىبەك مىرزابەكوۆ زالعا كىرگەن بويدا ۇكىمدى وقي باستاعان. ونىڭ فورمالدى بولىگىن وقۋ ءبىر ساعاتقا سوزىلعان، ال قورىتىندى بولىگىنىڭ مازمۇنى مىناعان سايعان.

سوت مىرزاتاەۆ جۇمابەكتى (ەشقايدا كەتپەۋ جونىندەگى قولحاتپەن جۇرگەن) كىنالى دەپ مويىنداماعان.

سوت مىنا سوتتالۋشىلاردى كىنالى دەپ مويىنداپ، بىراق امنيستيا تۋرالى زاڭعا سايكەس سوت زالىندا بوساتقان: جىلقىشيەۆتى، سادىعۇلوۆتى، تولەەۆتى، تولەۋوۆتى، دۇرىسباەۆتى، اديەۆتى (بارلىعى دا تۇتقىندا بولعان).

سوت ەرمۇقانۇلىن 3 جىلعا (ونىڭ 2 جىلى - شارتتى), سابىرباەۆتى - 4 جىلعا (جالپى رەجيمدى كولونياعا), مامبەتوۆتى - 5 جىلعا (جالپى رەجيمدى كولونياعا), باقىتجاندى - 5 جىلعا (جالپى رەجيمدى كولونياعا), اۋەزوۆتى - 7 جىلعا (قاتاڭ رەجيمدى كولونياعا) سوتتاعان.

حالىقارالىق «جاڭاوزەن-2011» كوميتەتى مۇشەلەرىنىڭ حابارلاۋىنشا، اقتاۋ قالاسىندا 21 مامىر كۇنى وتكەن سوت وتىرىسىندا «شەتپە ءىسى» بويىنشا سوت ۇكىمى جاريالانعان.

سوت زالى قارارپايىم ازاماتتارمەن قاتار پوليتسەيلەرگە دە تولى بولعان. سونىڭ ىشىندە قازىر ەسىمى جۇرتشىلىققا وتكەن جىلدىڭ 16 جەلتوقسانى كۇنى جاڭاوزەننىڭ ورتالىق الاڭىندا بەيبىت حالىققا قارسى وق اتۋعا بۇيرىق بەرگەن قاندىقول وفيتسەر رەتىندە كەڭىنەن تانىمال  بولعان پوليتسەي، ماڭعىستاۋ وبلىسى ءىىد قوعامدىق قاۋىپسىزدىك باسقارماسى باستىعىنىڭ ورىنباسارى ۇلىقبەك مىلتىقوۆ تا زالعا بىرنەشە رەت باس سۇققان.

سۋديا بەردىبەك مىرزابەكوۆ زالعا كىرگەن بويدا ۇكىمدى وقي باستاعان. ونىڭ فورمالدى بولىگىن وقۋ ءبىر ساعاتقا سوزىلعان، ال قورىتىندى بولىگىنىڭ مازمۇنى مىناعان سايعان.

سوت مىرزاتاەۆ جۇمابەكتى (ەشقايدا كەتپەۋ جونىندەگى قولحاتپەن جۇرگەن) كىنالى دەپ مويىنداماعان.

سوت مىنا سوتتالۋشىلاردى كىنالى دەپ مويىنداپ، بىراق امنيستيا تۋرالى زاڭعا سايكەس سوت زالىندا بوساتقان: جىلقىشيەۆتى، سادىعۇلوۆتى، تولەەۆتى، تولەۋوۆتى، دۇرىسباەۆتى، اديەۆتى (بارلىعى دا تۇتقىندا بولعان).

سوت ەرمۇقانۇلىن 3 جىلعا (ونىڭ 2 جىلى - شارتتى), سابىرباەۆتى - 4 جىلعا (جالپى رەجيمدى كولونياعا), مامبەتوۆتى - 5 جىلعا (جالپى رەجيمدى كولونياعا), باقىتجاندى - 5 جىلعا (جالپى رەجيمدى كولونياعا), اۋەزوۆتى - 7 جىلعا (قاتاڭ رەجيمدى كولونياعا) سوتتاعان.

سونداي-اق، سوت تومەندە اتالعان جابىرلەنۋشىلەر پايداسىنا مىرزاتاەۆتان باسقا 11 سوتتالۋشىدان مىناداي سومالاردى ءوندىرىپ الۋ جونىندە قاۋلى شىعارعان:

قتج اق - 2952153 تەڭگە، «جولاۋشىلار تاسىمالى» اق - 14021750 تەڭگە، «لوكوموتيۆ» اق - 1594915 تەڭگە، باسقا جابىرلەنۋشىلەر پايداسىنا جالپى سوماسى 20 ميلليون تەڭگە.

ارينە، سوتتىڭ «شەتپە ءىسى» بويىنشا سوتتالۋشىلاردىڭ بىرەۋىن كىناسى جوق بولعاندىقتان، التاۋىن امنيستياعا بايلانىستى جازادان بوساتىپ، «تەك» بەسەۋىنە «عانا» 3 جىلدان 7 جىلعا دەيىن باس بوستاندىعىنان ايىرۋ جونىندە ۇكىم شىعارعاندىعى، ءبىر قاراعاندا، بۇل ىسكە قاتىستى «وبەكتيۆتىلىك» پەن «ادىلەتتىلىك» پرينتسيپتەرىن ساقتاعانداي بولىپ كورىنۋى ابدەن ىقتيمال. الايدا، ەگەر اتالعان 12 ادامنىڭ 12-ءسى دە شىن مانىندە بەيكۇنا ادامدار ەكەندىگىن ەسكەرسەك، بۇل جەردە ەشقانداي وبەكتيۆتىلىك پەن ادىلەتتىلىكتىڭ ءىزى دە جوق، تەك «سوت ويىنى» عانا بار ەكەندىگىن ءتۇسىنۋ دە اسا قيىندىققا سوقپاسى انىق. وسىعان وراي - «شەتپە ءىسى» الداعى قالعان از ۋاقىت ىشىندە «جاڭاوزەن ىسىنە» قاتىستى دا جۇزەگە اسىرىلۋعا ءتيىس كەلەسى «سوت ويىنىنىڭ» «رەپەتيتسياسى» بولىپ شىعۋى مۇمكىن دەگەن كۇدىك مازالايدى. ياعني، ول سوت پروتسەسىنىڭ قورىتىندىسىندا شىعارىلاتىن ۇكىمدەر دە شامامەن وسى «پروپورتسيالاردا» بولۋى عاجاپ ەمەس.

ال، ەندى مىنا سوتتا بارلىق 12 ادام كىناسىز بولسا دا، «سوت ويىنىنىڭ» سالدارىنان بىرەۋلەرىنىڭ ازاتتىق الىپ، ەكىنشىلەرىنىڭ جازالانۋى - بۇل، ءcوز جوق، ولاردىڭ وزدەرىن دە، تۋىستارىن دا پسيحولوگيالىق تۇرعىدا ەكىگە بولگەن وتە اۋىر جاعداي بولعاندىعى - ءوز الدىنا بولەك اڭگىمە تاقىرىبى...

جاسارال قۋانىشالين،

حالىقارالىق «جاڭاوزەن-2011» كوميتەتىنىڭ

اقپاراتتىق توپ جەتەكشىسى.

الماتى قالاسى،

2012 جىلدىڭ 22-مامىرى

«اباي-اقپارات»