قازاقستان رەسپۋبليكاسىنىڭ
پرەزيدەنتى قاسىمجومارت توقاەۆقا

اشىق حات

قۇرمەتتى قاسىم-جومارت كەمەلۇلى!

تاعدىر ءبىزدى وتە كۇردەلى كەزەڭدە ءومىر سۇرۋگە جازىپتى. ادامزات بالاسىنىڭ باسىنا ءتونىپ كەلە جاتقان قاۋىپتىڭ كۇن ساناپ كۇشەيىپ كەلە جاتقانىنا بارلىعىمىز كۋامىز. ونىڭ سەبەبى، جەر پلانەتاسى كۆانتتىق وتكەلدەن وتۋدە. جەرگە كەلەتىن ميكروتولقىندار جيىلىگى كۇن ساناپ ارتىپ، جەردەگى بولىپ جاتقان ءتۇرلى تابيعي اپاتتاردىڭ سانىنىڭ كۇن سايىن ارتۋىنا ىقپال ەتۋدە. بۇل اپاتتاردىڭ الدى ءبىزدىڭ ەلىمىزگە دە كەلىپ، حالىقتى ساستىرا باستاعانىن ءوزىڭىز دە كورىپ وتىرسىز. قازاق جەرىنىڭ قانشا جەرىن قۋاڭشىلىق جايلاپ، مال قىرىلىپ جاتقانى دا جالپى ادامزات بالاسىنىڭ باسىنا ءتۇسىپ وتىرعان زاۋالدىڭ ءبىر پاراسى ەكەندىگىن ءتۇسىنۋىمىز كەرەك. مىنا الەم حالقىن دۇرلىكتىرىپ وتىرعان كورونوۆيرۋس پاندەمياسى دا سول اپاتتاردىڭ ءبىر بولشەگى. قازىرگى كۇنى سول كورونوۆيرۋسقا قارسى ۆاكتسينا سالدىرىپ بەتىن قايتارامىز دەپ ادام بالاسى جانىن سالۋدا. ولاردىڭ ىشىندە ءبىزدىڭ مەملەكەت تە بار. الايدا، ول جاسالىپ جاتقان شارالاردىڭ ەشقايسىسى دۇرىس ناتيجە بەرمەيدى. ءبىرىنىڭ بەتىن قايتارسا ەكىنشىسى شىعادى. قازىردىڭ وزىندە ول كەسەل ءوزىنىڭ فورماسىن وزگەرتىپ، ينديالىق شتامم دەگەن اتپەن شىعىپ جاتىر. دەمەك، بۇل اپاتتاردىڭ بەتىن ەشنارسەمەن قايتارۋ مۇمكىن ەمەس. سەبەبى، بۇل كۇردەلى تابيعي قۇبىلىستاردىڭ ارتىندا مىنا جارىق دۇنيەنى جاراتقان ۇلى قۇدىرەت يەسىنىڭ قاھارى جاتىر. ويتكەنى، ادامزات بالاسى ءوزىنىڭ كىم ەكەنىن، قايدان كەلگەنىن، قايدا باراتىنىن ۇمىتتى. اللا مەن ادام رۋحى اراسىنداعى بايلانىس ءۇزىلدى. ادام بالاسى ازعىندىققا ۇشىرادى. جاقسىلىق پەن جاماندىقتىڭ، ادالدىق پەن ارامدىقتىڭ، وبال مەن ساۋاپتىڭ اراسىن اجىراتۋدان قالدى. كەيبىر قولىنا بايلىق پەن بيلىكتى شوعىرلاندىرعان توپتار وزدەرىنىڭ قولىنا قۇدايدىڭ قىزمەتىن قولىنا الا باستادى. جەر بەتىندەگى ادام سانىن قولمەن رەتتەۋگە ارەكەت ەتىپ جاتقانى، مىنا كورونوۆيرۋس دەرتىنىڭ سول توپتىڭ جوسپارى ارقىلى دۇنيەگە كەلگەنىنەن بۇكىل الەم حالقى حاباردار. وسىنىڭ بارلىعىن كورىپ-ءبىلىپ وتىرعان جاراتۋشى قۇدىرەت ءجاي باقىلاۋشى بولىپ قالا المايتىنى انىق. ءوزىنىڭ ءۇستىن جايلاعان ادامزات بالاسىنىڭ مۇنداي وزبىرلىعىن مىنا قاسيەتتى جەر-انا دا كوتەرە المايتىنى، سىلكىپ تاستاي سالۋى دا قيىن ەمەس. سوندىقتان بۇل اپاتتان امان قالۋدىڭ جالعىز جولى – ول رۋحاني  الەم مەن ادام بالاسى اراسىنداعى رۋحاني بايلانىستى قايتا قالپىنا كەلتىرۋ. ادامزات بالاسىنىڭ جۇرەگىن جايلاعان ماتەريالدىق دۇنيەگە دەگەن قۇلدىق پسيحولوگيادان قۇتقارىپ، قايتادان ادامي بولمىسقا قايتارۋ. ادامزات قوعامىندا قايتادان ادىلەتتى قوعامدى ورناتۋ. ولاي بولمايتىن بولسا، وندا مىنا ادامزات بالاسى جەر بەتىنەن جويىلاتىنى انىق. بىزگە دەيىن دە قانشاما وركەنيەت كەلىپ، كەتكەن بولاتىن. وعان اتلانتيدا، نۋح پايعامبار كەزەڭدەرىن مىسال رەتىندە ايتا الامىز. ءبىز دە سونداي كەزەڭنىڭ بىرىنە كەلىپ تۇرعانىمىز انىق. وعان جەر پلانەتاسىنىڭ كۆانتتىق وتكەلدەن جاڭا ەنەرگەتيكالىق جيلىگى جوعارى كەڭىستىككە ءوتۋى كۋا بولادى. دەمەك، ءدال قازىرگى كۇنى ارەكەت جاساپ، ادامزات ءوزىنىڭ رۋحىنىڭ ەنەرگەتيكالىق جيلىگىن جاڭا دەڭگەيگە كوتەرىپ، ساناسى مەن ءتۇپساناسىندا وزگەرىستەر جاساي المايتىن بولسا، وندا ادام بالاسى ارى قاراي ءومىر ءسۇرۋ مۇمكىندىگىنەن ايىرىلادى. باسقاشا ايتقاندا، ادام رۋحى مەن رۋحاني الەم اراسىنداعى بايلانىستى قايتا قالپىنا كەلتىرىلمەيتىن بولسا، وندا ادامزاتتىڭ ەرتەڭى جوق. سوندىقتان قازىرگى كۇنى نازاردى رۋحاني الەم مەن ادامزات بالاسى اراسىنداعى رۋحاني بايلانىستى قايتا قالپىنا كەلتىرۋگە اۋدارۋىمىز قاجەت. ول ءۇشىن قاراجات تا، كۇش تە قاجەت ەمەس. ول ءۇشىن قوجا احمەت ياساۋي بابامىزدىڭ رۋحاني الەممەن قايتا بايلانىس ورناتۋ ءۇشىن قولدانعان زىكىر عيباداتىن «جاريا زىكىردى» قولدانىسقا قايتا ەنگىزۋ جەتكىلىكتى. زامانىندا قوجا احمەت ياساۋي بابامىز وسى جاريا زىكىردى پايدالانا وتىرىپ، يسلام الەمىندەگى ۇزىلگەن رۋحاني الەم مەن ادام رۋحى اراسىنداعى بايلانىستى قايتا قالپىنا كەلتىرىپ، سول داۋىردە ادامزات باسىنا تونگەن اقىر زامان اپاتىنان قۇتقارىپ قالعان بولاتىن. ياساۋي بابامىزدىڭ سول زىكىر عيباداتى بۇگىنگى كۇنى دە حالقىمىزدى ادامزات بالاسىنىڭ باسىنا ءتونىپ كەلە جاتقان مىنا اقىرزامان اپاتىنان قۇتقارىپ قالاتىنىنا سەنىمدىمىن. سوندىقتان وسى جاريا زىكىردى ەلىمىزدىڭ بارلىق ايماعىندا سالۋعا رۇقسات بەرۋىڭىزدى سۇرايمىن.

ەگەردە وسى جاريا زىكىر ەلىمىزدىڭ بارلىق ايماقتارىندا سالىناتىن بولسا، وندا ەشقانداي ىندەت حالقىمىزعا زيان كەلتىرە المايدى. مىنا كورونوۆيرۋستىڭ ءوزى وزدىگىنەن جويىلادى. ورتاعاسىرلاردا قىتايدان باستالىپ، سوناۋ انگلياعا دەيىن جەتكەن، جۇزدەگەن ميلليون ادامنىڭ ءومىرىن قيعان وبا دەرتىن ياساۋي جولىنىڭ دارۋىشتەرى وسى جاريا زىكىر كۇشىمەن ورتالىق ازيادان ايداپ شىققان بولاتىن. جاريا زىكىر ءوزىنىڭ سول قۇدىرەتىنەن بۇگىن دە ايىرىلعان جوق. قازىرگى كۇنى قوعامدا قارسىلىق تۋعىزىپ جاتقان جاپپاي ۆاكتسيناتسيالاۋ شاراسىنىڭ ورنىنا وسى جاريا زىكىردى پايدالانىپ، قوعامنىڭ ساۋلىعىن ساقتاپ قالۋ مۇمكىندىگى بار. مەن جاريا زىكىردىڭ كوۆيدپەن اۋىرعاندار دەنساۋلىعىنا پايداسى بارلىعىن وتكەن جىلى كوز جەتكىزدىم. ەپيدەميا كەزىندە زووم باعدارلاماسى ارقىلى جاريا زىكىر ساباعىن جۇرگىزدىم. وتىزعا جۋىق كىسى قاتىستى. كوپشىلىگى جاريا زىكىردىڭ دەنساۋلىقتارىنا پايداسى بولعانىن حابارلادى. دەمەك، جاريا زىكىردى كوۆيد دەرتىنە قارسى پايدالانۋعا بولادى. ۆاكتسيناتسيالاۋدى دا تولىق دوعارماي،  حالىققا ەركىندىك بەرىلۋ كەرەك. قالاعانى ۆاكتسينا سالدىرسىن، قالاعانى جاريا زىكىر سالىپ، ءوزىنىڭ رۋحاني دەڭگەيىن كوتەرسىن، جۇرەگىن نۇرلاندىرسىن. بۇل حالقىمىزدىڭ ادامزات وركەنيەتىنىڭ كەلەسى كەزەڭىنە وتۋگە مۇمكىندىك بەرەدى.

قۇرمەتتى قاسىم-جومارت كەمەلۇلى!

مەنىڭ بۇل اشىق حاتتا ايتقاندارىم قيالدان شىققان ساندىراق بولىپ كورىنۋى مۇمكىن. بىراق، قازىرگى كۇردەلى كەزەڭدە مىنا بار جارىق دۇنيەنى جاراتقان ءتاڭىر تاعالاعا بەت بۇرىپ، ەلىمىزدىڭ، جۇرتىمىزدىڭ اماندىعىن تىلەپ، جاريا زىكىر سالار بولساق، ءتاڭىر تاعالا تىلەگىمىزدى قابىل ەتەتىنىنە سەنىمدىمىن. سىزدە سەنىپ، قولداۋ كورسەتەدى دەگەن ۇمىتتەمىن!

زىكىريا جانداربەك،

ياساۋيتانۋشى

Abai.kz