قازاقستاندا ادام ساۋداسىنا بايلانىستى قىلمىستىق قۇقىق بۇزۋشىلىق سانى ءبىر جىلدا بىردەن ەكى ەسەگە كوبەيدى. بۇل تۋرالى Ranking.kz پورتالى ارنايى زەرتتەۋ جۇرگىزدى.

2021 جىلعى قاڭتار-مامىردا ەلدە ادام ساۋداسىنا بايلانىستى 63 قۇقىق بۇزۋشىلىق تىركەلگەن. بۇل ءبىر جىل بۇرىنعى كورسەتكىشتەن ەكى ەسە كوپ. قىلمىستاردىڭ كوپ بولىگى جەزوكشەلىكپەن اينالىسۋعا جانە جەڭگەتايلىققا ارنالعان پريتوندار ۇيىمداستىرۋعا قاتىستى بولعان.

تاعى سەگىز جاعداي كامەلەتكە تولماعانداردى ساتۋمەن بايلانىستى، جەتى ءىس كامەلەتكە تولماعانداردى جەزوكشەلىككە تارتۋعا بايلانىستى، التى ءىس ادام ساتۋ جانە جەزوكشەلىككە تارتۋعا قاتىستى انىقتالعان.

جالپى 2020 جىلعى قاڭتار-جەلتوقسادا ادام ساۋداسىنا بايلانىستى 120 قۇقىق بۇزۋشىلىق تىركەلگەن. بۇل ءبىر جىل بۇرىنعىعا قاراعاندا 34,1 پايىزعا از.

بيىلعى بەس ايدا كامەلەتكە تولماعانداردى ساتقانى ءۇشىن 25 ادام، جەزوكشەلىكپەن اينالىسۋعا ارنالعان پريتوندار ۇيىمداستىرعانى نەمەسە ۇستاعانى جانە جەڭگەتايلىق ءۇشىن - التى ادام، ادام ساۋداسى ءۇشىن - ءتورت ادام قىلمىستىق جاۋاپكەرشىلىككە تارتىلعان.

ورتالىق ازيا ەلدەرىندەگى قۇربانداردىڭ كوپشىلىگى - ەرەسەك ايەلدەر (55 پايىز). ەر ادامدار - 32 پايىز، ونىڭ ىشىندە ۇلدار - سەگىز، قىزدار - بەس پايىزدى قۇرايدى.

Abai.kz