قازاقستان AstraZeneca ۆاكتسيناسىن وندىرۋشىلەرمەن پرەپاراتتى قازاقستانعا الدىرۋ تۋرالى كەلىسسوزدەردى قايتا باستادى. بۇل تۋرالى Tengrinews.kzكە سىلتەمە جاساپ Abai.kz حابارلايدى.

بىرقاتار ەل بەلگىلى ءبىر ۆاكتسينالاردى سالدىرعان ساياحاتشىلار ءۇشىن عانا شەكاراسىن اشقاندىقتان، قازاقستاندىقتار ءۇشىن ساياحاتتاۋعا بولاتىن ەلدەر قاتارى ايتارلىقتاي شەكتەلدى. قازىرگى ۋاقىتتا قازاقستان ازاماتتارى ءۇشىن COVID-19-عا قارسى ۆاكتسينانىڭ ءتورت ءتۇرى قولجەتىمدى: "گام-كوۆيد-ۆاك" (سپۋتنيك-V), "QazCovid-In" (QazVac), "Hayat-Vax" جانە "كوروناۆاك".

قر دەنساۋلىق ساقتاۋ مينيسترلىگىنىڭ اقپاراتى بويىنشا، شەتەلدىك COVID-19-عا قارسى ۆاكتسينا وندىرۋشىلەرمەن كەلىسسوز جۇرگىزۋ جۇمىستارى جالعاسىپ جاتىر.

"قازاقستاندىقتاردى "Pfizer", "AstraZeneca", "Moderna" جانە "Johnson&Johnson" پرەپاراتتارىمەن ۆاكتسينالاۋعا بيۋدجەت قاراجاتىن ءبولۋ ماسەلەسى ۋاعدالاستىققا قول جەتكىزىلگەننەن كەيىن قارالادى", - دەپ ناقتىلادى ۆەدومستۆوداعىلار.

Abai.kz