ماسكەۋدەن قورقام!

مەن ەمەس. ءبىزدىڭ شەنەۋنىكتەر قورقادى.

- سول قورقىنىشتىڭ كەسىرىنەن اقشادان ايىرىلامىز;

-  سول قورقىنىشتىڭ كەسىرىنەن ءتيىمسىز كەلىسىمدەرگە قول قويامىز;

- سول قورقىنىشتىڭ كەسىرىنەن تاياق جەيمىز!!!

- تۋرا ماعىناسىندا تاياق جەيمىز. ءدال ءبىر جىل بۇرىن تاياق جەدىك، جاراسى جازىلدى، ۇمىتىپ كەتتىك!!!

بىلتىر ماۋسىم ايىندا "تيولاين" جشس ديرەكتورىنىڭ ورىنباسارى كيريلل ساۆەرسكي سولتۇستىك قازاقستان، تايىنشاعا بارىپ توبەلەس شىعارعان، كەن بايىتۋ كومبيناتىنا باسىپ كىرمەك بولعان. گوكتا جۇمىس ىستەپ جۇرگەن قىزمەتكەرلەردى، زاۋىتتى قورعاپ تۇرعان كۇزەتشىلەردى سوققىعا جىققان. وننان اسا ادام جاراقات الىپ، بالنىسكە تۇسكەن. ايعاي-شۋ كوتەرىلگەن، پوليتسيا ارالاسقان، سوت ءىس قوزعاعان. ساۆەرسكي سوتتالعان، جاقتاستارى دا جاقسىلىق كورمەگەن. الايدا، سودان بەرى گوك-تا تىنىشتىق جوق، بەرەكە جوق، قىزمەتكەرلەردە ەرتەڭگە دەگەن سەنىم جوق. باقانداي 500 ادامنىڭ تاعدىرى قىل ۇستىندە تۇرعاندا سولتۇستىكتىڭ اكىمى قۇمار اقساقالوۆ تا سەلت ەتپەيدى. ورىسى بار، باسقاسى بار، انتالاعان شەتەلدىكتەر قازاقتىڭ جەرىندەگى بايلىقتى، ياعني گوكتى بولىسە الماي جاتىر. وزدەرىمەن كەتسە ءبىر ءجون. قاراپايىم حالىقتىڭ جۇيكەسىن جەپ، ىشكەنىن ءىرىڭ، جەگەنىن جەلىم قىلىپ قويدى... "توقتاااااات باسسىزدىقتى، حالىقتىڭ اشۋىنا تيمە" دەي الاتىن شەنەۋنىك قازاقتا جوق!!!

ءبارى ماسكەۋدەن قورقادى

الماس التايدىڭ جازباسى

Abai.kz