قازاقستاندا كوروناۆيرۋستىق ينفەكتسياعا قارسى رەۆاكتسيناتسيا اعىمداعى جىلدىڭ قازانىندا باستالادى. بۇل تۋرالى قر دەنساۋلىق ساقتاۋ ءمينيسترى الەكسەي تسوي مالىمدەدى.

ء"يا، ءبىز رەۆاكتسيناتسيانى جوسپارلاپ وتىرمىز. ەندى ءبىز ءوز ادىستەرىمىزدى انىقتايمىز. بىلەسىز بە، رەۆاكتسيناتسيانىڭ ەكى ءتۇرى بار. توتەنشە جاعدايدا ىسكە اساتىن ۇجىمدىق يممۋنيتەتتى 60-70% بولعانشا جىلدام الاتىن ءتۇرى بار. جوسپارلى رەۆاكتسيناتسيا بار - ول ادەتتە جىلىنا ءبىر رەت جاسالادى. ءيابىز قازىر بارلىعىن قاراستىرىپ جاتىرمىز، ويتكەنى قازاقستان ۆاكتسيناتسيالاۋدى تىم كەش باستادى، اقپان ايىندا ىسكە اسىرا باستادىق قوي. حالىقتىڭ نەگىزگى بولىگى ماۋسىم-شىلدە ايلارىندا ۆاكتسيناتسيالاندى. سوندىقتان بىزدە ءالى دە جاڭا، دەڭگەيى جوعارى انتيدەنەلەر بار. سوندىقتان، مۇمكىن ەكىنشى دوزانى العاننان كەيىن شامامەن توعىز ايدان كەيىن ول ءبىزدىڭ كۇنتىزبەگە قوسىلادى. ەندى ءبىز بۇل تۋرالى شەشىم قابىلدايمىز، ماسەلەنى ارىپتەستەرىمىزبەن بىرگە قاراستىرامىز",  - دەدى تسوي.

مينيستر بىزدە رەۆاكتسيناتسيا شامامەن قازان ايىندا باستالاتىنىن ايتتى. ۆاكتسينا ەگۋدى ءبىرىنشى باستاعان اقش، يزرايل، رەسەي سىندى ەلدەر اتالمىش كەزەڭدى باستاپ كەتتى.

Abai.kz