وتكەندە ۆيرۋس پەن پنەۆمونيادان 97 كىسى كوز جۇمعان ەدى. بۇگىن 158 ادام قايتىس بولىپتى. 1 تاۋلىكتە 7899 ادام ۆيرۋس جۇقتىرعان. از ۋاقىتتا جاعداي قانشالىق ۋشىققانىن تۇسىنە بەرىڭىز.

ۇكىمەت جاعدايدى شەشۋ ءۇشىن ناۋقاستاردى ەمدەپ، ۆاكتسينا ەگۋدى جۇرگىزىپ جاتىر. سەبەبى ادامداردى امان الىپ قالۋ كەرەك. ول ءۇشىن بيۋدجەتتەن، ياعني ءبارىمىزدىڭ ورتاق سالىعىمىزدان قانشاما ميلليارد اقشا ءبولىنىپ جاتىر. بۇل - مەمل. ساياسات.

ەندى وسىنداي قيىن جاعدايدا ۆيرۋس جوق، ۆاكتسينا - ول چيپتەۋ، ول ۋلاپ ءولتىرۋ دەگەن سياقتى جالعان اقپارات تاراتاتىنداردى 274 باپپەن (كورىنەۋ جالعان اقپارات تاراتۋ) جازالاۋ كەرەك دەپ ويلايمىن. جازا 20 اەك ايىپپۇلدان 7 جىلعا دەيىن سوتتاۋ.

بۇل تسەنزۋرا، ءسوز، وي بوستاندىعىن تاپتاۋ دەرسىز. تسەنزۋراعا قاتتى قارسى ادامنىڭ ءبىرى مەنمىن. بىراق قازىر لايك جيناۋ ءۇشىن جالعان اقپاراتقا تولى پوست جازۋ، ۆيدەو ءتۇسىرۋ قوعام مەن ءار ادام قاۋىپسىزدىگىنە قاتەر توندىرەدى.

سونداي ايتىسكەر، بلوگەر، اكتەرلاردىڭ سوزىنە يلانىپ، اۋرۋعا سەنبەيتىندەر، ۆاكتسينادان باسىن الىپ قاشقاندار ەرتەڭ ۆيرۋس جۇقتىرىپ، رەانيماتسيادا قىرىلداپ جاتسا، الگى پوست جازعاندار وعان پىسقىرىپ تا قارامايتىنى انىق. مەن ءولتىرىپپىن با دەپ شەتتە تۇرا بەرەدى. ءيا، كەيدە ادامنىڭ تۇبىنە جالعان اقپارات جەتەدى.

وتىرىك جازعانداردى نەگە جازالاۋ كەرەك دەرسىز؟ ويتكەنى ولاردىڭ ارەكەتى ازاماتتاردى جاڭىلىستىرادى، پاندەمياداعى مەمل.ساياساتتىڭ ءتيىمدى جۇزەگە اسۋىن تەجەيدى. مۇنىڭ سالدارىنان تاعى تالاي كىسى كوز جۇمۋى مۇمكىن. ەپيدەميانى ۇزارتا بەرەدى. بۇل ازاماتتارعا دا، ەل ەكونوميكاسىنا دا ۇلكەن شىعىن.

سوندىقتان كۇنىنە 158 ادام ءولىپ جاتسا، "وزگەنىڭ دە پىكىرىن سىيلايمىز", "ۆاكتسينانى ناسيحاتتاۋمەن شەكتەلەمىز" دەپ سىزىلاتىن ۋاقىت ەمەس. ءتيىمدى، ناقتى، قاجەت بولسا، قاتاڭ شارالار كەرەك.

نۇرمۇحاممەد بايعاراەۆ

Abai.kz