قازاقستاندا ورىس تىلىنە دەگەن قىسىم تۋرالى ءسوز قوزعاۋ ادىلەتسىز. «اشىق ديالوگ» سۇحباتىنىڭ كەزەكتى سانىندا پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ وسىنداي پىكىر ءبىلدىردى، دەپ حابارلايدى قازاقپاراتقا سىلتەمە جاساپ Abai.kz.

«ارينە، مۇندايعا جول بەرىلمەيدى جانە ورەسكەل جايت دەپ ەسەپتەيمىن. سوندىقتان قۇقىق قورعاۋ ورگاندارى ادىلەتتى، قۇقىقتىق باعا بەرەدى. رەسەيلىك دەپۋتاتتار نارازىلىق تانىتقاندىقتان ەمەس، جالپى ەلىمىزدە مۇنداي نارسەلەردىڭ جولى قاتاڭ تۇردە كەسىلەتىندىكتەن سولاي بولادى. كىمنىڭ جانە قانداي سەبەپپەن كەمس ءى تۋ كورگەنى ماڭىزدى ەمەس. قازاقتار، ورىستار نەمەسە باسقا ەتنوس وكىلدەرى بولسا دا كەمس ءى تىلمەۋ كەرەك. ازاماتتارىمىزدىڭ كوبى ۇلتشىلدىقتىڭ مۇنداي تۇرپايى كورىنىستەرىن ايىپتايدى. وكىنىشكە قاراي، مۇنداي جاعدايلار بۇكىل الەمدە بولىپ جاتىر. بۇل مۇنداي نارسەنى مەملەكەت قولداپ وتىر نەمەسە جالپى تەندەنتسيا رەتىندە بەلەڭ الىپ وتىر دەگەن ءسوز ەمەس. ەكى-ءۇش ادامنىڭ ورىنسىز ارەكەتتەرى ارقىلى 19 ميلليون حالقى بار ەلدەگى جاعدايدى باعالاۋعا بولا ما؟ جوق دەپ ويلايمىن»، - دەپ ءتۇسىندىردى داۋرەن اباەۆ.

ونىڭ ايتۋىنشا، قازاقستانداعى ورىس ءتىلىنىڭ جاعدايى تۋرالى ەموتسياعا بەرىلىپ كوپ دۇنيە ايتۋعا بولعانىمەن، ناقتى فاكتىلەر ونداي بۇرمالاۋعا كونبەيدى.

«ءبىزدىڭ ەلىمىزدە حالىقتىڭ 90% -ى ورىس ءتىلىن بىلەدى. مەنىڭ ويىمشا، بۇل الەمدەگى ەڭ جوعارى كورسەتكىشتەردىڭ ءبىرى، مۇمكىن رەسەيدىڭ ءوزىن جانە بەلارۋستان كەيىنگى كورسەتكىش شىعار بۇل. بىزدە وقۋشىلاردىڭ 30%-دان استامى ورىس تىلىندە وقيدى. قازاقستان حالقىنىڭ قۇرىلىمىنداعى ورىستاردىڭ ۇلەسى قازىر شامامەن 20%. بۇل تىلگە دەگەن سۇرانىستى بىلدىرمەي مە؟ قازاقستاندا 23 مىڭنان استام ورىس ءتىلى مەن ادەبيەتى ءپانىنىڭ مۇعالىمدەرى جۇمىس ىستەيدى. بۇل ورتالىق ازياداعى باسقا ەلدەرگە قاراعاندا كوپ. سوندىقتان قازاقستانداعى ورىس تىلىنە دەگەن قىسىم جاساۋ تۋرالى ءسوز قوزعاۋ ادىلەتسىز»، - دەدى پرەزيدەنت اكىمشىلىگى باسشىسىنىڭ ءبىرىنشى ورىنباسارى.

Abai.kz