بيىل ءساۋىر ايىنىڭ ورتاسىندا (16-سى نەمەسە 17-ءسى) باتىس قازاقستان وبلىسى زەلەنوۆ اۋدانى رازدولنوە اۋىلىندا تۇسىنىكسىز قىزىق وقيعا بولعان. تۇنگى اسپاندا اۋىل تۇرعىندارى جارقىراپ ۇشقان الدەبىر نارسەلەردى كورىپتى. بۇل «جارقىراۋىق جۇلدىزداردىڭ» جەرگە جاقىن وتكەنى سونشا، ءتىپتى كۋالەر نەبارى 100 مەتردەي بيىكتەن وتكەنىن ايتادى. ءسال كەيىن اۋىل جانىنداعى ەگىس القابىنان بەيمالىم ەكى شار تابىلعان.
وسىعان ۇقساس شاردى اۋىلدىڭ تاعى ءبىر تۇرعىنى دەنيس كوننوۆ تا تاپقان ەكەن.
– ءبىزدىڭ ماماندار رازدولنوە اۋىلىنان 6 شاقىرىم جەردەگى ەكى القاپتان ديامەترى 40 سم، سالماعى 10-12 كگ بولاتىن شار ءپىشىندى ەكى زات تاپتى. ەكى شاردا دا 1,5 سانتيمەترلىك تەسىك بار ەكەن. شاردىڭ ءبىرى جارىلىپ كەتكەن، قاتتى ىستىقتان بالقىپ، كۇيگەنى بايقالادى. وبلىستىق سانەپيدقاداعالاۋ باسقارماسىنىڭ ماماندارى كوكتەن تۇسكەن نىساندا رادياتسيا جوق ەكەنىن انىقتادى، – دەيدى بقو تج ءباسپاسوز قىزمەتكەرى دامەت جۇماعۇلوۆا.
بۇل شاردىڭ «ۇشقىش تارەلكە» نەمەسە وزگە وركەنيەتتەن جولدانعان سالەمدەمە ەمەستىگىن ولاردىڭ بىرىندە تاڭبالانعان 430359257829 تسيفرى ايگىلەپ تۇرعانداي. مامانداردىڭ ايتۋىنشا، ادامزات جەردىڭ بەتىن عانا ەمەس، عارىشتى دا ءتۇرلى قوقىسپەن لاستاپ بولعان. سول قوقىس ەندى توبەمىزدەن جاۋىپ جاتىر...

قازبەك قۇتتىمۇراتۇلى، باتىس قازاقستان وبلىسى
«ايقىن» گازەتى 18.05.2009 جىل

بيىل ءساۋىر ايىنىڭ ورتاسىندا (16-سى نەمەسە 17-ءسى) باتىس قازاقستان وبلىسى زەلەنوۆ اۋدانى رازدولنوە اۋىلىندا تۇسىنىكسىز قىزىق وقيعا بولعان. تۇنگى اسپاندا اۋىل تۇرعىندارى جارقىراپ ۇشقان الدەبىر نارسەلەردى كورىپتى. بۇل «جارقىراۋىق جۇلدىزداردىڭ» جەرگە جاقىن وتكەنى سونشا، ءتىپتى كۋالەر نەبارى 100 مەتردەي بيىكتەن وتكەنىن ايتادى. ءسال كەيىن اۋىل جانىنداعى ەگىس القابىنان بەيمالىم ەكى شار تابىلعان.
وسىعان ۇقساس شاردى اۋىلدىڭ تاعى ءبىر تۇرعىنى دەنيس كوننوۆ تا تاپقان ەكەن.
– ءبىزدىڭ ماماندار رازدولنوە اۋىلىنان 6 شاقىرىم جەردەگى ەكى القاپتان ديامەترى 40 سم، سالماعى 10-12 كگ بولاتىن شار ءپىشىندى ەكى زات تاپتى. ەكى شاردا دا 1,5 سانتيمەترلىك تەسىك بار ەكەن. شاردىڭ ءبىرى جارىلىپ كەتكەن، قاتتى ىستىقتان بالقىپ، كۇيگەنى بايقالادى. وبلىستىق سانەپيدقاداعالاۋ باسقارماسىنىڭ ماماندارى كوكتەن تۇسكەن نىساندا رادياتسيا جوق ەكەنىن انىقتادى، – دەيدى بقو تج ءباسپاسوز قىزمەتكەرى دامەت جۇماعۇلوۆا.
بۇل شاردىڭ «ۇشقىش تارەلكە» نەمەسە وزگە وركەنيەتتەن جولدانعان سالەمدەمە ەمەستىگىن ولاردىڭ بىرىندە تاڭبالانعان 430359257829 تسيفرى ايگىلەپ تۇرعانداي. مامانداردىڭ ايتۋىنشا، ادامزات جەردىڭ بەتىن عانا ەمەس، عارىشتى دا ءتۇرلى قوقىسپەن لاستاپ بولعان. سول قوقىس ەندى توبەمىزدەن جاۋىپ جاتىر...

قازبەك قۇتتىمۇراتۇلى، باتىس قازاقستان وبلىسى
«ايقىن» گازەتى 18.05.2009 جىل