كازكوممەرتسبانككە اشىق حات
«كازكوممەرتسبانك»
ديرەكتورلار كەڭەسىنىڭ توراعاسى
نۇرجان سالكەنۇلى سۇبحانبەردين
مىرزاعا
اشىق حات
«كازكوممەرتسبانك»
ديرەكتورلار كەڭەسىنىڭ توراعاسى
نۇرجان سالكەنۇلى سۇبحانبەردين
مىرزاعا
اشىق حات
سالەمەتسىز بە، نۇرجان سالكەنۇلى سۇبحانبەردين مىرزا، مەن «كازكوممەرتسبانكتەن» جەكە شوتىمداعى اتى-ءجونىمدى كورىپ، سىزدەرگە قاتتى رەنجىدىم، مەنىڭ اتى-ءجونىم - مۇستافا اڭساعان قۇرمانعازىقىزى, ال سىزدەردىڭ مەنىڭ قولىما ۇستاتقان بلانكىلەرىڭىزدە مەنى مۋستافا انساگان كۋرمانگازىكى دەپ جازىپ قويعان، مۇنى قولىما العان بويدا جىرتىپ تاستاعىم كەلدى، ءبىرازدان كەيىن ىزالانىپ، وكپەلەپ جىلاعىم كەلدى، كەلەسى كۇنى اشۋلانىپ حات جازىپ وتىرمىن. بۇل نە دەگەن ماسقارا! قازاق ءتىلى - مەملەكەتتىك ءتىل بولعانىنا مىنە، 20 جىلدان استام ۋاقىت بولدى دەپ قۋانىپ جاتىرمىز، سىزدەردىڭ وسى ۋاقىتقا دەيىن قازاقشا ءشريفتتى قولدانىسقا ەنگىزبەگەندەرىڭىز، قازاقتىڭ جەرىندە، ەلىندە بيزنەس جۇرگىزە وتىرىپ بۇل ەلدىڭ ءتىلى مەن زاڭىنا نەمقۇرايلى قاراعاندارىڭىز، مەنىڭ اتىمدى قالاي بولسا، سولاي جازا سالعاندارىڭىز مەنىڭ نامىسىما ءتيىدى. تەك مەنىڭ ەمەس، بۇكىل قازاق حالقىنا بۇنداي ارەكەت ۇنامايدى دەپ ويلايمىن. ويلانىپ كورىڭىزشى، مەن ءسىزدىڭ بانكىنىڭ اتىن «كازكوممەرتسبانك» دەپ جازسام سىزگە ۇناي ما؟ ۇندەمەي قالا الاسىز با؟ بۇنداي سوراقىلىقتى ەكىنشى كورمەيتىن بولايىن. بۇل حاتتىڭ ءبىر داناسىن سىزگە، كوشىرمەسىن باق-نا جولدادىم.
قۇرمەتپەن،
قازاقتىڭ قارا دومالاق قىزى - مۇستافا اڭساعان قۇرمانعازىقىزى
«اباي-اقپارات»
