وتىرار سازى» ءدىنزۋھرانىڭ جەتەكشىلىگىمەن وسكەمەندە العاش رەت ونەر كورسەتتى
2012 جىلدىڭ 2 ماۋسىمىندا وسكەمەن قالاسىنىڭ مەتاللۋرگتەر مادەنيەت سارايىندا ن. تىلەنديەۆ اتىنداعى اكادەميالىق-ەتنوگرافيالىق "وتىرار سازى" وركەسترىنىڭ كونتسەرتى ءوتتى. باس ديريجەرى - دينزۋحرا نۇرعيساقىزى تىلەنديەۆا.
«اتادان ۇل تۋسا يگى، اتا جولىن قۋسا يگى» دەمەكشى، ەلىمىزدە اكەسى سالعان سارا جولدا جۇرگەندەر ساۋساقپەن سانارلىق. ءىرى تۇلعالاردىڭ بالالارىن ايتىپ وتىرمىز. سول ازداعان ادامداردىڭ ءبىرى ءھام بىرەگەيى - ءدىنزۋھرا تىلەنديەۆا.
وتكەن عاسىردىڭ ءبىرتۋارى نۇرعيسا تىلەنديەۆ ءوز قولىمەن قۇرىپ كەتكەن ءارى وسى كىسىنىڭ اتىنداعى «وتىرار سازى» اكادەميالىق فولكلورلىق-ەتنوگرافيالىق وركەسترى وسكەمەنگە كەلىپ، قالا حالقىنىڭ كوڭىلىن مارقايتتى.
ەلىمىزدىڭ مادەنيەت جانە اقپارات مينيسترلىگىنىڭ «وتانىم - باقىت مەكەنىم» اتتى جوباسى اياسىندا كەلگەن ونەر مايتالماندارىن وركەستردىڭ جەتەكشىسى ءدىنزۋھرا نۇرعيساقىزى باستاپ كەلىپتى.
2012 جىلدىڭ 2 ماۋسىمىندا وسكەمەن قالاسىنىڭ مەتاللۋرگتەر مادەنيەت سارايىندا ن. تىلەنديەۆ اتىنداعى اكادەميالىق-ەتنوگرافيالىق "وتىرار سازى" وركەسترىنىڭ كونتسەرتى ءوتتى. باس ديريجەرى - دينزۋحرا نۇرعيساقىزى تىلەنديەۆا.
«اتادان ۇل تۋسا يگى، اتا جولىن قۋسا يگى» دەمەكشى، ەلىمىزدە اكەسى سالعان سارا جولدا جۇرگەندەر ساۋساقپەن سانارلىق. ءىرى تۇلعالاردىڭ بالالارىن ايتىپ وتىرمىز. سول ازداعان ادامداردىڭ ءبىرى ءھام بىرەگەيى - ءدىنزۋھرا تىلەنديەۆا.
وتكەن عاسىردىڭ ءبىرتۋارى نۇرعيسا تىلەنديەۆ ءوز قولىمەن قۇرىپ كەتكەن ءارى وسى كىسىنىڭ اتىنداعى «وتىرار سازى» اكادەميالىق فولكلورلىق-ەتنوگرافيالىق وركەسترى وسكەمەنگە كەلىپ، قالا حالقىنىڭ كوڭىلىن مارقايتتى.
ەلىمىزدىڭ مادەنيەت جانە اقپارات مينيسترلىگىنىڭ «وتانىم - باقىت مەكەنىم» اتتى جوباسى اياسىندا كەلگەن ونەر مايتالماندارىن وركەستردىڭ جەتەكشىسى ءدىنزۋھرا نۇرعيساقىزى باستاپ كەلىپتى.
اكەنىڭ اماناتىن ارقالاعان ونەرلى قىز التاي ەلىن تالانتىمەن تاڭعالدىردى. ەل اسىعا كۇتكەن كەشتى اكەسىنىڭ «اتا تولعاۋىمەن» باستاپ، «ماحامبەتىمەن» اياقتادى. كەش بارىسىندا ءانشى سالتانات جۇبانىش نۇرعيسانىڭ تۇمانباي مولداعاليەۆتىڭ سوزىنە جازىلعان «قۇستار» ءانىن قۇيقىلجىتا ورىندادى. ول ءاننىڭ قايىرماسىنا كەلگەندە مەتاللۋرگتەردىڭ مادەنيەت سارايىنا جينالعان كورەرمەن دە قوسىلا شىرقاي جونەلگەن. ال، نۇرعيسانىڭ تىڭداعاننىڭ ونە بويىن شىمىرلاتاتىن «اققۋ» كۇيى تىڭدارماندى بىردە ايدىن شالقار كولدىڭ بەتىندەگى تىنىشتىققا جەتەلەسە، بىردە قاناتىنىڭ سۋسىلىمەن ءلاززات سىيلادى. حالىقارالىق بايقاۋلاردىڭ لاۋرەاتى دانيار بايجۇمانوۆ «القيسسانى» شەرتكەندە تامىرىندا قازاقى قانى تۋلاعان جۇرت قيقۋعا-قيقۋ قوسىپ وتىردى. ءتۇرلى سەزىمگە بوي ۇرعان حالىق ءتۇرلى قيالعا شومعانى انىق. مىنە، وسىنداي انمەن اسپەتتەلىپ، كۇيمەن كومكەرىلگەن كەشتە ءدىنزۋھرا اكەسىنىڭ اسەم شىعارمالارىن ورىنداعان وركەسترگە ديريجەرلىك ەتىپ، تەكتىنىڭ تۇياعى ەكەنىن تانىتقانى بار.
- مەنىڭ ماقساتىم - نۇرعيسا تىلەنديەۆ بولۋ ەمەس، ءدىنزۋھرا نۇرعيساقىزى بولىپ تانىلۋ. سول ارقىلى مەن ءوز بيىگىمدى تابامىن ءارى ەل سەنىپ تاپسىرعان «وتىرار سازىن» ونان ارى دامىتامىن، - دەپ وي ءبولىستى ول كورەرمەنمەن.
ال كەشتىڭ اياقتالۋ تۇسىندا وبلىس اكىمى بەردىبەك ساپارباەۆتىڭ اتىنان ىقىلاس گۇلىن سىيلاعان وبلىستىق مادەنيەت باسقارماسىنىڭ باستىعى جاقسىلىق ومار: «ءبىز «وتىرار سازىن» ماقتامايمىز، قايتا «وتىرار سازىمەن» ماقتانامىز» دەپ اعىنان جارىلدى.
ونەر ۇجىمى وسكەمەننەن كەيىن ريددەر جانە سەمەي قالالارىنىڭ جۇرتشىلىعىنا ونەر كورسەتپەك. ايتا كەتەيىك، بۇل اتالمىش وركەستردىڭ وڭىرىمىزگە ءدىنزۋھرانىڭ جەتەكشىلىگىمەن ءبىرىنشى رەت كەلۋى ەكەن.
