ۇلتتىق ازا كۇنى: باس ءمۇفتيدىڭ ۇندەۋى
قازاقستان مۇسىلماندارى ءدىني باسقارماسى جانە ورتا ازيا مۇفتيلەر كەڭەسىنىڭ توراعاسى، باس ءمۇفتي،
شەيح ءابساتتار قاجى دەربىسالىنىڭ
الماتى وبلىسىنداعى شەكارامىزدا بولعان قايعىلى وقيعاعا بايلانىستى
ۇندەۋى
ءبيسميللاھير راحمانير-راحيم
قۇرمەتتى باۋىرلار، وتانداستار!
2012 جىلدىڭ 30 مامىر كۇنى قازاقستان مەن قىتاي شەكاراسىنان سۋىق حابار جەتتى. الماتى وبلىسىنىڭ ارقانكەرگەن بەكەتىندە ەلىمىزدىڭ تىنىشتىعىن، اماندىعىن كۇزەتىپ تۇرعان 14 شەكاراشى مەن 1 قورىقشى بالالارىمىز بەن باۋىرلارىمىز قاپىدا قازا تاپقان. سوعان بايلانىستى ەلىمىزدە 5 ماۋسىم ۇلتتىق ازالى كۇن جاريالاندى. بۇكىل حالقىمىزدىڭ قابىرعاسى قايىسىپ، تۋىمىز تومەن ءتۇسىرىلدى.
وسى قايعىلى وقيعاعا بايلانىستى بۇگىن وبلىس، اۋدان، ەلدى مەكەندەردەگى بارلىق مەشىتتەرىمىزدە ولاردىڭ رۋحىنا قاسيەتتى قۇران اياتىن باعىشتاۋعا پارمەن بەردىم.
قازاقستان مۇسىلماندارى ءدىني باسقارماسى جانە ورتا ازيا مۇفتيلەر كەڭەسىنىڭ توراعاسى، باس ءمۇفتي،
شەيح ءابساتتار قاجى دەربىسالىنىڭ
الماتى وبلىسىنداعى شەكارامىزدا بولعان قايعىلى وقيعاعا بايلانىستى
ۇندەۋى
ءبيسميللاھير راحمانير-راحيم
قۇرمەتتى باۋىرلار، وتانداستار!
2012 جىلدىڭ 30 مامىر كۇنى قازاقستان مەن قىتاي شەكاراسىنان سۋىق حابار جەتتى. الماتى وبلىسىنىڭ ارقانكەرگەن بەكەتىندە ەلىمىزدىڭ تىنىشتىعىن، اماندىعىن كۇزەتىپ تۇرعان 14 شەكاراشى مەن 1 قورىقشى بالالارىمىز بەن باۋىرلارىمىز قاپىدا قازا تاپقان. سوعان بايلانىستى ەلىمىزدە 5 ماۋسىم ۇلتتىق ازالى كۇن جاريالاندى. بۇكىل حالقىمىزدىڭ قابىرعاسى قايىسىپ، تۋىمىز تومەن ءتۇسىرىلدى.
وسى قايعىلى وقيعاعا بايلانىستى بۇگىن وبلىس، اۋدان، ەلدى مەكەندەردەگى بارلىق مەشىتتەرىمىزدە ولاردىڭ رۋحىنا قاسيەتتى قۇران اياتىن باعىشتاۋعا پارمەن بەردىم.
ادامزاتتىڭ اسىلى حازرەتى مۇحاممەد (س.ع.س.) پايعامبارىمىز ءبىر حاديسىندە: «ەكى كوز اقىرەتتە توزاققا كۇيمەيدى: ءبىرىنشىسى كۇناسىنا وكىنىش ءبىلدىرىپ، وڭاشادا ەگىلىپ جىلاعان كوز، ەكىنشىسى وتاندى قورعاپ شەكارا كۇزەتكەن كوز», - دەگەن. اللا تاعالا شەكارادا قايتىس بولعان ءىنى-باۋىرلارىمىزدىڭ كۇناسىن كەشىرىپ، قايعىنىڭ ارتىن قايىرلى ەتكەي! قايتىس بولعانداردىڭ تۋعان-تۋىستارىنا، بۇكىل قازاقستان حالقىنا كوڭىل ايتامىن. قازاقستان مۇسىلماندارى ءدىني باسقارماسى دا ولاردىڭ جانۇيالارىنا كومەك قولىن سوزىپ، جاردەم بەرەتىنىن مالىمدەيمىن.
قۇرمەتتى باۋىرلار!
جاراتۋشى يەمىز: «ءبىر اۋىرتپالىقتان سوڭ جەڭىلدىك بەرەمىن», - دەيدى. سولاي بولعاي دەپ دۇعا-تىلەك ايتايىق. مۇنىڭ ءبارى اللا-تاعالانىڭ سىناعى دەپ قابىلدايمىز. جالپى، ادام بالاسى جەر بەتىنە سىناق ءۇشىن جىبەرىلگەن. باسقا تۇسكەن قايعىعا سابىر ەتۋ، تەك اللادان مەدەت تىلەۋ - ول دا يماننان. سول ءۇشىن سابىر ساقتاپ، ۇستامدىلىق تانىتۋ قاجەت!
جاراتۋشى يەمىزدەن وتانىمىزدا بۇدان بىلاي ازالى كۇن بولماۋىن، تۋى تومەن تۇسىرىلمەۋىن تىلەيمىز. حالقىمىز، وتانىمىز امان بولىپ، تۋىمىز اسقاقتاپ جەلبىرەي بەرسىن.
