استانا. 5 ماۋسىم. قازاقپارات - اقوردانىڭ عيماراتىندا قوسىندا قازا بولعان شەكاراشىلاردى ازا تۇتۋدىڭ بەلگىسى رەتىندە قازاقستان رەسپۋبليكاسىنىڭ مەملەكەتتىك تۋى تومەن ءتۇسىرىلدى.

قالالاداعى جانە ەلىمىزدىڭ وڭىرلەرىندەگى اكىمشىلىك عيماراتتاردىڭ بارلىعىندا تۋ تومەن ءتۇسىرىلدى.

بۇعان دەيىن حابارلاعانىمىزداي، ەلباسىنىڭ وكىمىمەن شەكاراشىلاردىڭ قازاعا ۇشىراۋىنا بايلانىستى بۇگىن قازاقستان رەسپۋبليكاسىندا ۇلتتىق ازا تۇتۋ جاريالاندى.

4 ماۋسىمدا قر پرەزيدەنتى نۇرسۇلتان نازارباەۆ «ارقانكەرگەن» شەكارا بەكەتىندە ورىن العان قايعىلى وقيعاعا بايلانىستى  مالىمدەمە جاسادى.

«الماتى وبلىسى «ارقانكەرگەن» شەكارا بەكەتىندە 15 ادام قازا بولعان  قايعىلى وقيعا قازاقستاندىقتاردىڭ ەشقايسىسىن دا بەيجاي قالدىرمادى.

مەنىڭ تاپسىرماممەن قازىرگى كەزدە تەرگەۋ جۇرگىزىلۋدە. وقيعا ورنىندا  ارنايى كوميسسيا جۇمىس ىستەپ جاتىر.

ماماندار مەن كوميسسيا ءوز قورىتىندىسىن جاسايتىن بولادى. ءبىز وقيعانىڭ ءمان-جايىن انىقتايمىز، ۇيىمداستىرۋشىلار مەن ورىنداۋشىلاردى تابامىز. ءسويتىپ بۇل تراگەدياعا ايىپتىلار ءتيىستى جازاسىن تارتاتىن بولادى.

شەكاراشىلار ەلدىڭ شەبىن قورعاۋ كەزىندە، قازاقستاندىقتاردىڭ تىنىشتىعى مەن قاۋىپسىزدىگىن ساقتاۋ قىزمەتىندە تۇرعاندا قازا بولدى. ولار قازاقستاننىڭ بەيبىتشىلىگى مەن بولاشاعى جولىندا قىرشىنىنان قيىلدى.

مەنىڭ تاپسىرمام بويىنشا ۇكىمەت بۇل كۇندەرى قازا تاپقانداردىڭ وتباسىلارىنا بارىنشا قولداۋ كورسەتىپ، قاجەتتى كومەكتىڭ ءبارىن جاساۋدا.

استانا. 5 ماۋسىم. قازاقپارات - اقوردانىڭ عيماراتىندا قوسىندا قازا بولعان شەكاراشىلاردى ازا تۇتۋدىڭ بەلگىسى رەتىندە قازاقستان رەسپۋبليكاسىنىڭ مەملەكەتتىك تۋى تومەن ءتۇسىرىلدى.

قالالاداعى جانە ەلىمىزدىڭ وڭىرلەرىندەگى اكىمشىلىك عيماراتتاردىڭ بارلىعىندا تۋ تومەن ءتۇسىرىلدى.

بۇعان دەيىن حابارلاعانىمىزداي، ەلباسىنىڭ وكىمىمەن شەكاراشىلاردىڭ قازاعا ۇشىراۋىنا بايلانىستى بۇگىن قازاقستان رەسپۋبليكاسىندا ۇلتتىق ازا تۇتۋ جاريالاندى.

4 ماۋسىمدا قر پرەزيدەنتى نۇرسۇلتان نازارباەۆ «ارقانكەرگەن» شەكارا بەكەتىندە ورىن العان قايعىلى وقيعاعا بايلانىستى  مالىمدەمە جاسادى.

«الماتى وبلىسى «ارقانكەرگەن» شەكارا بەكەتىندە 15 ادام قازا بولعان  قايعىلى وقيعا قازاقستاندىقتاردىڭ ەشقايسىسىن دا بەيجاي قالدىرمادى.

مەنىڭ تاپسىرماممەن قازىرگى كەزدە تەرگەۋ جۇرگىزىلۋدە. وقيعا ورنىندا  ارنايى كوميسسيا جۇمىس ىستەپ جاتىر.

ماماندار مەن كوميسسيا ءوز قورىتىندىسىن جاسايتىن بولادى. ءبىز وقيعانىڭ ءمان-جايىن انىقتايمىز، ۇيىمداستىرۋشىلار مەن ورىنداۋشىلاردى تابامىز. ءسويتىپ بۇل تراگەدياعا ايىپتىلار ءتيىستى جازاسىن تارتاتىن بولادى.

شەكاراشىلار ەلدىڭ شەبىن قورعاۋ كەزىندە، قازاقستاندىقتاردىڭ تىنىشتىعى مەن قاۋىپسىزدىگىن ساقتاۋ قىزمەتىندە تۇرعاندا قازا بولدى. ولار قازاقستاننىڭ بەيبىتشىلىگى مەن بولاشاعى جولىندا قىرشىنىنان قيىلدى.

مەنىڭ تاپسىرمام بويىنشا ۇكىمەت بۇل كۇندەرى قازا تاپقانداردىڭ وتباسىلارىنا بارىنشا قولداۋ كورسەتىپ، قاجەتتى كومەكتىڭ ءبارىن جاساۋدا.

بۇل تراگەديا قازا تاپقانداردىڭ وتباسىلارى مەن اعايىن-تۋعاندارىن عانا ەمەس، بارشا قازاقستاندىقتاردىڭ قابىرعاسىن قايىستىرىپ وتىر.

سوندىقتان ءبىر كۇندىك ۇلتتىق قارالى كۇن جاريالايمىن»،-دەلىنگەن مالىمدەمەدە.