قازاقستان رەسپۋبليكاسى پارلامەنتى سەناتىنىڭ دەپۋتاتى، كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى مەن كوميتەت مۇشەلەرى ۆلاديمير  ۆولكوۆ پەن ساۋلە  ايتپاەۆا، سۇلتانبەك  ماكەجانوۆتار ءىىم الماتى اكادەمياسىندا بولىپ، اتالعان وقۋ ورنىنىڭ  جۇمىسىمەن تانىستى.

كەزدەسۋدە قۇقىق قورعاۋ ورگاندارىن جۇيەلى رەفورمالاۋ بويىنشا جۇرگىزىلىپ جاتقان جۇمىس ماسەلەلەرى تالقىلانىپ، قىلمىستىق پروتسەستىڭ ءۇش بۋىندى مودەلى جاعدايىندا جاڭا فورماتتاعى كادرلاردى دايارلاۋ باعىتتارى جونىندە كەلەلى اڭگىمە قوزعالدى.

اكادەميا باستىعى، پوليتسيا پولكوۆنيگى ايدار سايتبەكوۆ وقۋ ورنىنىڭ اتقارعان جۇمىسى مەن ستراتەگيالىق دامۋ جوسپارى تۋرالى بايانداي كەلىپ، ءوز سوزىندە  ۆەدومستۆولىق ءبىلىم بەرۋ رەفورماسى شەڭبەرىندە ىشكى ىستەر ورگاندارى ءۇشىن كادرلار دايارلاۋ بويىنشا ءىىم  وتكەن باستاماشىلىق  جاڭالىقتار تۋرالى حاباردار ەتتى.

كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى ۆ.ۆولكوۆ  پوليتسيا قىزمەتىن جەتىلدىرۋ بويىنشا جۇرگىزىلىپ جاتقان رەفورمالاۋدىڭ ماڭىزدىلىعىنا توقتالىپ، پوليتسيا كادرلارىنىڭ بارلىق ساناتتارىن ساپالى جاڭا دەڭگەيدە دايىنداۋعا ەرەكشە نازار اۋدارۋ كەرەكتىگىن اتاپ ءوتتى.

كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ مۇشەلەرى ساۋلە مۇحانبەديانقىزى ايتپاەۆا مەن سۇلتانبەك الماسبەكۇلى ماكەجانوۆ ءىىم الماتى اكادەمياسىنىڭ ءىىو قىزمەتكەرلەرىن دايارلاۋدىڭ پراكتيكاعا باعدارلانعان باعدارلامالارىن ەنگىزۋ مەن قىلمىسقا قارسى ءىس-قيمىل سالاسىنداعى وزەكتى باعىتتاردى ەسكەرە وتىرىپ، وقۋ باعدارلامالارىن جوبالاۋ، ونىڭ ىشىندە قىلمىستىق سوت ءىسىن جۇرگىزۋدىڭ ءۇش بۋىندى مودەلىنە كوشۋ شەڭبەرىندە ازاماتتاردىڭ قۇقىقتارىن قورعاۋدى كۇشەيتۋ كەرەكتىگىن جەتكىزدى. اكادەمياعا كەلگەن حالىق قالاۋلىلارىنا پوليتسيانىڭ سەرۆيستىك مودەلىن، كيبەرقاۋىپسىزدىكتى، IT-تەحنولوگيالار، تۇرمىستىق زورلىق-زومبىلىق جانە كامەلەتكە تولماعانداردىڭ قۇقىقتارىن قورعاۋ سالاسىنداعى اتقارىلىپ جاتقان جۇمىستار كورسەتىلدى.

سونداي-اق، ساۋلە مۇحانبەديانقىزى ءوز سوزىندە قىلمىستارمەن كۇرەس ماماندارىن دايىنداۋ ءۇشىن وقۋ ورنىن قازىرگى زامانعى تەحنولوگيامەن جاراقتاندىرۋدى ودان ءارى  جالعاستىرۋ باستى ماڭىزدى قۇندىلىق ەكەنىن اتاپ وتسە، اكادەميا باستىعى ايدار سايتبەكوۆ كوميتەت مۇشەسى ساۋلە مۇحانبەديانقىزىنىڭ كوتەرىپ  وتىرعان ماسەلەسىمەن العا قاراي دامي بەرۋ قاجەتتىگىن ايتا كەلە قازىرگى تاڭدا اكادەميادا  جۇمىس جاسالىپ جاتقانىن جەتكىزىپ، زاماناۋي جاڭارتىلعان سول وقۋ اۋديتوريالارى مەن مامانداندىرىلعان كابينەتتەرى كورسەتىلىپ، ەكسكۋرسيا جاسالىپ، تانىستىرىلدى.

Abai.kz