مۇناي زامانى اياقتالىپ كەلەدى. اقش سوڭعى 30 جىلدا بولماعان، ءوزىنىڭ ستراتەگيالىق رەزەرۆىندەگى مۇنايدى جاپپاي ساتۋعا حابارلاندىرۋ بەردى. ناۋرىز ايىنىڭ اياعىندا ستراتەگيالىق رەزەرۆتە 621 ملن باررەل مۇناي بولىپتى. مەملەكەتتىك قوردان سونىڭ 20 ملن باررەلىنە اۋكتسيون بولاتىن بولدى. اۋكتسيون تامىز-قىرقۇيەك ايلارىندا وتەدى جانە بۇل 1991 جىلدان بەرى بولماعان اسا ءىرى ءبىر رەتتىك اۋكتسيون بولادى دەپ كۇتىلىپ وتىر. سوڭعى رەت اقش-تا وسىنداي ءىرى اۋكتسيون 1991 جىلى كۋۆەيتتەگى سوعىس كەزىندە جۇزەگە اسىپتى - 30 ملن باررەل مۇناي ساتىلىپ، الەمدىك نارىققا مۇناي جەتكىزۋ سونىڭ ارقاسىندا توقتاپتى.

جالپى 1970 جىلداردان بەرى جيناقتالىپ كەلە جاتقان ستراتەگيالىق رەزەرۆتەگى مۇنايدى ساتۋ وباما كەزىندە باستالىپتى. 2017 جىلى رەزەرۆتەن 31,3 ملن باررەل مۇناي الىنىپتى. 2018 جىلى 14,6 ملن، 2019 جىلى 14,2 ملن، 2020 جىلى 12 ملن باررەل مۇناي اۋكتسيونمەن ساتىلعان. جالپى اقش 2027 جىلعا شەيىن 270 ملن باررەل مۇنايىن ساتپاقشى ەكەن.

وسىنىڭ سالدارىنان اقش نارىعى جاڭا بيىكتەرگە كوتەرىلدى. قور نارىعى اسپانداپ تۇر. ونىڭ ۇستىنە Pfizer مەن BioNTech ۆاكتسينالارى تولىقتاي ماقۇلداندى. ينۆەستورلار مۇنى جاقسىلىققا بالاپ وتىر - ەندى ۆاكتسينالاۋ كۇشەيەدى، كارانتين ەنگىزۋ مۇمكىندىكتەرى ازايادى. ءوز كەزەگىندە بۇل دا ءومىردىڭ بۇرىنعى قالىپتى ارناسىنا ءتۇسۋىن جەدەلدەتەدى.

قۋانىش ەدىلحانتەگى

Abai.kz