بۇگىن تاڭەرتەڭگى ساعات 07:30-دا 40 ساياحاتشى استانادان اباي ەلى - قاسيەتتى سەمەي جەرىنە ساياحاتقا اتتاندى، دەپ حابارلايدى BNews.kz

ساياحاتشىلاردىڭ قاتارىندا: اباي تاقىرىبىنا بايلانىستى عىلىمي-تانىمدىق ساباقتارىنىڭ ۇزدىكتەرى، ابايتانۋشى عالىمدار، رەسپۋبليكالىق «اباي وقۋلارى» بايقاۋىنىڭ وزاتتارى، «اباي بيىگى - ۇلت بيىگى» اتتى جاس سۋرەتشىلەر بايقاۋىنىڭ جۇلدەگەرلەرى، «قۇلاقتان كىرىپ بويدى الار» ءان بايقاۋىنىڭ جەڭىمپازدارى، سونداي-اق، زيالى قاۋىم وكىلدەرى مەن قوعام قايراتكەرلەرى، بۇقارالىق اقپارات وكىلدەرى بار.
«ۇلىلار مەكەنىنە ساياحات» دەپ اتالاتىن ساپار 11-14 ماۋسىم ارالىعىن قامتيدى. استانا قالاسى بويىنشا تۇڭعىش رەت ۇيىمداستىرىلىپ وتىرعان شارانىڭ باستاماشىسى ءارى ۇيىمداستىرۋشىسى قازاقستان-رەسەي ۋنيۆەرسيتەتى «ابايتانۋ» عىلىمي تانىمدىق ورتالىعى بولىپ وتىر.

ايتا كەتەيىك، الداعى ۋاقىتتا تۇراقتى تۇردە جىل سايىن ۇيىمداستىرىلىپ وتىراتىن ساياحات-ساپار جاس ۇرپاقتى وتانسۇيگىشتىككە، تاريحىن، ەلىن-جەرىن تانۋعا، رۋحاني ءبىلىم-بىلىكتىلىگىن ارتتىرۋعا بەيىمدەۋ، ۇلى اقىننىڭ وسكەن ورتاسىن، تاريحىن تانىستىرۋعا باعىتتالعان.
سونداي-اق، ساياحاتقا شىققان اۆتوبۋس ميكرافون، تەلەديدار سياقتى قۇرالدارمەن جابدىقتالىپ، ونىڭ ماڭدايشاسىنا ۇلى حاكىمنىڭ سۋرەتى سالىنىپ، ساياحات-ساپاردىڭ اتى جازىلعان. اۆتوبۋستىڭ ىشىندەگى وسى ارنايى قۇرىلعىلار ارقىلى اباي ولەڭدەرى وقىلىپ، اندەرى قويىلىپ، جيدەباي، سەمەيدە اقىن تۋرالى دەرەكتى فيلمدەر كورسەتىلۋدە.

بۇگىن تاڭەرتەڭگى ساعات 07:30-دا 40 ساياحاتشى استانادان اباي ەلى - قاسيەتتى سەمەي جەرىنە ساياحاتقا اتتاندى، دەپ حابارلايدى BNews.kz

ساياحاتشىلاردىڭ قاتارىندا: اباي تاقىرىبىنا بايلانىستى عىلىمي-تانىمدىق ساباقتارىنىڭ ۇزدىكتەرى، ابايتانۋشى عالىمدار، رەسپۋبليكالىق «اباي وقۋلارى» بايقاۋىنىڭ وزاتتارى، «اباي بيىگى - ۇلت بيىگى» اتتى جاس سۋرەتشىلەر بايقاۋىنىڭ جۇلدەگەرلەرى، «قۇلاقتان كىرىپ بويدى الار» ءان بايقاۋىنىڭ جەڭىمپازدارى، سونداي-اق، زيالى قاۋىم وكىلدەرى مەن قوعام قايراتكەرلەرى، بۇقارالىق اقپارات وكىلدەرى بار.
«ۇلىلار مەكەنىنە ساياحات» دەپ اتالاتىن ساپار 11-14 ماۋسىم ارالىعىن قامتيدى. استانا قالاسى بويىنشا تۇڭعىش رەت ۇيىمداستىرىلىپ وتىرعان شارانىڭ باستاماشىسى ءارى ۇيىمداستىرۋشىسى قازاقستان-رەسەي ۋنيۆەرسيتەتى «ابايتانۋ» عىلىمي تانىمدىق ورتالىعى بولىپ وتىر.

ايتا كەتەيىك، الداعى ۋاقىتتا تۇراقتى تۇردە جىل سايىن ۇيىمداستىرىلىپ وتىراتىن ساياحات-ساپار جاس ۇرپاقتى وتانسۇيگىشتىككە، تاريحىن، ەلىن-جەرىن تانۋعا، رۋحاني ءبىلىم-بىلىكتىلىگىن ارتتىرۋعا بەيىمدەۋ، ۇلى اقىننىڭ وسكەن ورتاسىن، تاريحىن تانىستىرۋعا باعىتتالعان.
سونداي-اق، ساياحاتقا شىققان اۆتوبۋس ميكرافون، تەلەديدار سياقتى قۇرالدارمەن جابدىقتالىپ، ونىڭ ماڭدايشاسىنا ۇلى حاكىمنىڭ سۋرەتى سالىنىپ، ساياحات-ساپاردىڭ اتى جازىلعان. اۆتوبۋستىڭ ىشىندەگى وسى ارنايى قۇرىلعىلار ارقىلى اباي ولەڭدەرى وقىلىپ، اندەرى قويىلىپ، جيدەباي، سەمەيدە اقىن تۋرالى دەرەكتى فيلمدەر كورسەتىلۋدە.