ءماجىلىس دەپۋتاتتارىنىڭ باستى ماقساتى – جولداۋدا ايتىلعان بارلىق باستامالاردى ساپالى زاڭدارمەن قامتاماسىز ەتۋ.

بۇل تۋرالى بۇگىن ءماجىلىس توراعاسى نۇرلان نىعماتۋلين جەتىنشى شاقىرىلىمنىڭ ەكىنشى سەسسياسىنداعى العاشقى جالپى وتىرىستا ايتتى.
پرەزيدەنتتىڭ كەزەكتى سەسسيانى اشىپ، پارلامەنت قابىرعاسىندا حالىققا ارناعان جولداۋىن جاريالاعانىن العا تارتقان پالاتا سپيكەرى:
-مەملەكەت باسشىسى قاسىم-جومارت كەمەلۇلى توقاەۆتىڭ بۇگىنگى جولداۋى - قازاقستانىمىزدىڭ تۇراقتىلىعىن ساقتاي وتىرىپ، ودان ءارى دامىتۋعا ارنالعان ستراتەگيالىق قۇجات. سەبەبى، جولداۋدا ساياسي، الەۋمەتتىك، ەكونوميكالىق ءوسىپ - وركەندەۋدىڭ ناقتى جولدارى، ناقتى قادامدارى كورسەتىلدى،- دەدى.

نۇرلان نىعماتۋليننىڭ پىكىرىنشە، جولداۋدا اسىرەسە، اگروونەركاسىپ، دەنساۋلىق، ءبىلىم، ايماقتار دامۋى جانە باسقا دا باعىتتاردى نىعايتۋعا ەرەكشە كوڭىل ءبولىنىپ وتىر.

Cونىمەن قاتار، ءماجىلىس توراعاسى بيۋدجەت-قارجى جۇيەسىن جاقسارتۋ، ەلدى ساياسي جاڭعىرتۋدى جالعاستىرۋ سياقتى مىندەتتەرگە دە نازار اۋدارىپ، وسى تاپسىرمالاردىڭ بارلىعى پارلامەنتتىڭ الداعى كەزەڭدەگى زاڭ شىعارۋ جۇمىسى ءۇشىن دە ايقىن باعىت بەرگەنىن اتاپ ءوتىپ، ءماجىلىس دەپۋتاتتارىنا، قازاقستان پرەزيدەنتىنىڭ جولداۋىندا بەلگىلەنگەن ەلدى جۇيەلى جاڭعىرتۋ ءۇشىن مىقتى زاڭنامالىق بازانى ساپالى جانە جەدەل قۇرۋ قاجەتتىگىنە توقتالدى.
ءماجىلىس سپيكەرى دەپۋتاتتار قاراۋىنداعى زاڭ جوبالارى تۋرالى ايتا كەلىپ، قازىر پالاتادا قارالىپ جاتقان ونەركاسىپتىك ساياسات تۋرالى زاڭ جوباسىنا، ەل پرەزيدەنتى ازىرلەپ، قابىلداۋدى تاپسىرعان اگلومەراتسيانى دامىتۋ، كاسىبي بىلىكتىلىك تۋرالى زاڭ جوبالارىنا دا نازار اۋداردى.

نۇرلان نىعماتۋلين الدىمىزدا الەۋمەتتىك كودەكس جوباسىمەن جۇمىس تۇرعانىنا، وسى جانە باسقا دا زاڭ جوبالارى بويىنشا بارلىق جۇمىستى، ادەتتەگىدەي، اشىق جانە ترانسپارەنتتى تۇردە جۇرگىزەتىنىن، وعان ازاماتتىق قوعام، بۇقارالىق اقپارات قۇرالدارى وكىلدەرىنىڭ بەلسەندى تۇردە قاتىسۋىمەن وتكىزىلەتىن اتاپ ءوتتى.

Abai.kz