"تاليبان" سودىرلارى پاندجشەر شاھارىنا باتىس جاقتان كىرۋگە ۇمتىلدى، بىراق جەڭىلىس تاپتى. بۇل جونىندە وزودي راديوسىنا تالىپتەرگە قارسى كۇشتىڭ وكىلى فاحيم داشتي حابارلادى. ول قازىر تالىپتەرگە قارسى كۇرەسىپ جاتقان كۇشتىڭ جەتەكشىسى احماد ماسۋدتىڭ ءباسپاسوز حاتشىسى بولىپ ءجۇر.

اشراف عاني تۇسىندا اۋعانستاننىڭ قورعانىس ءمينيسترى بولعان بيسميللا مۋحاممادي تۆيتتەر پاراقشاسىنا تالىپتەر پاندجشەر قالاسىنا وتكەن ءتۇنى شابۋىل جاساعانىن جازعان. تالىپتەر جەڭىلىپ، شەگىنىس جاساعان.

بىراق تالىپتەر شابۋىلدى جالعاستىرىپ جاتىر. ولار قازىر پاندجشەر قالاسىن تولىق قورشاپ العان. "ولار ناتو-نىڭ كومەگىمەن كابۋلدى قورعاي المادى، شاعىن عانا اۋماقتا قايتىپ قارسى تۇرماق؟", - دەپ مالىمدەدى "تاليبان" وكىلى موتتاكي. ءتالىپ وكىلى بۇل ايماققا گۋبەرناتور تاعايىنداپ قويعانىن دا مالىمدەدى.

پاندجشەر كابۋلدىڭ سولتۇستىك جاعىندا ورنالاسقان. وندا نەگىزىنەن تاجىك ۇلتىنىڭ وكىلدەرى تۇرادى.

اقش اسكەرى 30 تامىزدا 20 جىلعا سوزىلعان ميسسياسىن تولىق اياقتاپ اۋعانستان ايماعىنان شىعىپ كەتتى. امەريكانىڭ اۋعانستانعا ميسسياسى 2001 جىلى 11 قىركۇيەكتەگى تەراكتىدەن كەيىن باستالعان.

Abai.kz