فۋتبولدان ەۆرورا كۋبوگىنىڭ كەزەكتى رەسەي مەن پولشا قۇرامالارى اراسىنداعى ويىننان كەيىن ۆارشاۆاداعى ۇلتتىق ستاديوننىڭ ماڭىندا فۋتبول فاناتتارىنىڭ اراسىندا قىپ-قىزىل توبەلەس بولعانىن اقپارات قۇرالدارى جاريا ەتىپ جاتىر.

رەسەي فۋتبول فاناتتارى «قوجايىندارىڭ قايتىپ ورالدى» دەگەن سىڭايدا ۇرانداپ، سوۆەت وكىمەتىنىڭ بەلگىلەرى بار دۇنيەلەر كوتەرىپ، وزگە بىرەۋدىڭ ەلىندە رەسەي كۇنىن تويلاپ، مارش وتكىزبەك بولعان. ال، پولشادا كوممۋنيستىك بەلگىلەرگە تىيىم سالىنعان.

مىنە، سونداي وكتەم مىنەز، سودىر قىلىق تانىتىپ، شوۆينيستىك بولمىستارى كوزدەرىن شەل بولىپ باسقان ورىستاردىڭ قىلىعىنا شىداماعان پولياكتار رەسەي فاناتتارىن قۋالاپ ءجۇرىپ ساباپ، تىم-تىراقاي قىلىپ، توز-توزىن شىعارىپتى. قوعامدىق ءتارتىپتى ساقتاۋ ءۇشىن ساقاداي ساي تۇرعان 6 مىڭ پولياك پوليتسياسى دا قاراپ قالماعان. ءتارتىپ بۇزعان تەنتەك فاناتتاردى بىرنەشەۋىن ۇستاعان كورىنەدى.

ال، رەسەي اقپارات قۇرالدارى ورىس فاناتتارىنا شاڭ جۇقتىرار ەمەس. ولاردىڭ دا شوۆينيستىك پيعىلدارى اسقىنعانى سونشا ورىستار وزگە ەلدە ويىنا كەلگەنىن ىستەپ، ويران سالىپ جاتسا دا ورىستىڭ ىستەگەنى  - اق، وزگەلەردى - قارا دەپ سارناپ جاتىر.

پولياكتار ءوز ۇلتتىق نامىستارىن قورعادى. جانە ۇلتتىق نامىستى قورعاۋ، ءوزىڭدى وزگەگە قورلاتپاي قارسى تۇرۋدا ۇلكەن-كىشى ءىستىڭ بولمايتىنىن كورسەتتى. ياعني، نامىس اتاۋلىنىڭ ءىرى-ۇساعى بولمايدى.

فۋتبولدان ەۆرورا كۋبوگىنىڭ كەزەكتى رەسەي مەن پولشا قۇرامالارى اراسىنداعى ويىننان كەيىن ۆارشاۆاداعى ۇلتتىق ستاديوننىڭ ماڭىندا فۋتبول فاناتتارىنىڭ اراسىندا قىپ-قىزىل توبەلەس بولعانىن اقپارات قۇرالدارى جاريا ەتىپ جاتىر.

رەسەي فۋتبول فاناتتارى «قوجايىندارىڭ قايتىپ ورالدى» دەگەن سىڭايدا ۇرانداپ، سوۆەت وكىمەتىنىڭ بەلگىلەرى بار دۇنيەلەر كوتەرىپ، وزگە بىرەۋدىڭ ەلىندە رەسەي كۇنىن تويلاپ، مارش وتكىزبەك بولعان. ال، پولشادا كوممۋنيستىك بەلگىلەرگە تىيىم سالىنعان.

مىنە، سونداي وكتەم مىنەز، سودىر قىلىق تانىتىپ، شوۆينيستىك بولمىستارى كوزدەرىن شەل بولىپ باسقان ورىستاردىڭ قىلىعىنا شىداماعان پولياكتار رەسەي فاناتتارىن قۋالاپ ءجۇرىپ ساباپ، تىم-تىراقاي قىلىپ، توز-توزىن شىعارىپتى. قوعامدىق ءتارتىپتى ساقتاۋ ءۇشىن ساقاداي ساي تۇرعان 6 مىڭ پولياك پوليتسياسى دا قاراپ قالماعان. ءتارتىپ بۇزعان تەنتەك فاناتتاردى بىرنەشەۋىن ۇستاعان كورىنەدى.

ال، رەسەي اقپارات قۇرالدارى ورىس فاناتتارىنا شاڭ جۇقتىرار ەمەس. ولاردىڭ دا شوۆينيستىك پيعىلدارى اسقىنعانى سونشا ورىستار وزگە ەلدە ويىنا كەلگەنىن ىستەپ، ويران سالىپ جاتسا دا ورىستىڭ ىستەگەنى  - اق، وزگەلەردى - قارا دەپ سارناپ جاتىر.

پولياكتار ءوز ۇلتتىق نامىستارىن قورعادى. جانە ۇلتتىق نامىستى قورعاۋ، ءوزىڭدى وزگەگە قورلاتپاي قارسى تۇرۋدا ۇلكەن-كىشى ءىستىڭ بولمايتىنىن كورسەتتى. ياعني، نامىس اتاۋلىنىڭ ءىرى-ۇساعى بولمايدى.

ال، ءبىز تولىق مەملەكەتتىك - قازاق تىلىندەگى جالعىز «قازاقستان» ارناسىنداعى فۋتبولدان تىكەلەي ەفيردى تەك قازاق تىلىندە بەرۋگە قاۋقارىمىز جەتپەي وتىر. ارنا بار پالەنى كەلىسىمگە سىلتەيدى. سول كەلىسىمدى بۇزدىرۋعا، ءوز ءتىلىن، ياعني، ءوز نامىسىن قورعاۋعا قازاق قوعامنىڭ بيلىكتەن سەسكەنەتىن ۇرەيى جىبەرمەي وتىر.

سونداي-اق، ۇلتتىق ۇيىمدار مەن بەكەر دە «ەلىم دەپ ەڭىرەيتىندەر» ەرلەر ءۇشىن مۇنداي جاعداي اۋىز اۋىرتىپ ايتۋعا تۇرمايتىن دۇنيە ىسپەتتەس. دەمەك، ولار ءۇشىن ۇلتتىق نامىس قورعايتىن جانە قورعامايتىن بولىپ ءتۇرلى كاتەرگوريالارعا بولىنەدى.

مىنە، سولاي...

«اباي-اقپارات»