الماتى وبلىسىندا 69 وقۋشىنىڭ اتا-اناسى اسينحروندى وقىتۋعا ءوتىنىش بەردى.

جاڭا وقۋ جىلىنىڭ باستالعانىنا ءۇشىنشى كۇن. الماتى وبلىسىندا 782 جالپى ءبىلىم بەرەتىن مەكتەپتە 448 220 وقۋشى وقۋدى باستادى. پاندەميادان كەيىن، اراعا 1,5 جىل ۋاقىت سالىپ، وقۋشى مەن ۇستازدار قايتا تابىستى. ەلدەگى ءبىلىم وردالارى ءداستۇرلى فورماتتا جۇمىس ىستەۋگە كىرىستى. دەگەنمەن سانيتارلىق تالاپتار مەن كوروناۆيرۋستىڭ الىدە دەندەپ جاتقانىن ەشكىم ۇمىت قالدىرعان جوق. سول سەبەپتى، مەملەكەت بالا دەنساۋلىعىن باستى نازارعا الدى.
2021-2022 وقۋ جىلىندا ءبىلىم الۋشىلاردىڭ سانى جوبالىق قۋاتتان اسپايتىن ورتا ءبىلىم بەرۋ ۇيىمدارى سانيتاريالىق-ەپيدەميولوگيالىق تالاپتاردى ساقتاي وتىرىپ، وقۋ پروتسەسىن ءداستۇرلى فورماتتا ءبىر نەمەسە ەكى اۋىسىمدا ۇيىمداستىرادى.

وبلىستاعى بارلىق مەكتەپتەر دەزينفەكتسيالىق قۇرالدارمەن قامتاماسىز ەتىلدى. الداعى تاڭدا قىركۇيەك-جەلتوقسان ايلارىندا تاعى دا سانيتارلىق قۇرال-جابدىقتاردى الۋعا 435 ملن. تەڭگە قارجى قاراستىرىلعان. بۇل وقۋشىلاردىڭ قاۋىپسىزدىگى ءۇشىن جاسالعان ءبىر عانا امال. جەتىسۋ جەرىندە ۇستازداردىڭ 99,9%-ى ەكپە الدى، سونداي-اق، تەحنيكالىق قىزمەتكەرلەردىڭ 95,4%-ى ۆاكتسينا سالدىردى.

جاۋاپتىلار، بارلىق سانيتارلىق تالاپتار ساقتالىنادى، ءداستۇرلى وقۋعا ەشتەڭە كەدەرگى ەمەس دەگەنىمەن اتا-انالار بالالارىنىڭ دەنساۋلىق جاعدايىنا بايلانىستى ۇيدەن وقىتۋعا ءوتىنىش جازىپ جاتىر. بۇل تۋرالى الماتى وبلىسى ءبىلىم باسقارماسى باسشىسىنىڭ ورىنباسارى ايجان ادامبەكوۆا مالىمدەدى.

«اتا-اناسى نەمەسە باسقا دا زاڭدى وكىلدەرىنىڭ ءوتىنىشى نەگىزىندە سوزىلمالى اۋرۋى بار نەمەسە اۋرۋى اسقىنىپ تۇرععان كەزدە ءۇي جاعدايىندا اسينحروندى، ياعني وزدىگىنەن وقىتۋعا رۇقسات بەرىلەدى. اسينحروندى وقىتۋ ءبىلىم الۋشىنىڭ اتا-اناسىنىڭ نەمەسە زاڭدى وكىلدەرىنىڭ ءوتىنىشى نەگىزىندە مەكتەپ ديرەكتورىنىڭ بۇيرىعىمەن راسىمدەلەدى. بۇگىنگى كۇنى وبلىس بويىنشا 69 وقۋشىنىڭ اتا-اناسى نەمەس زاڭدى وكىلى اسينحروندى وقىتۋعا ءوتىنىش قالدىردى»،-دەپ اتاپ ءوتتى.

اتا-انالاردىڭ بوبەگى ءۇشىن الاڭداۋى ورىندى. ويتكەنى، وبلىستا بالالار اراسىندا كوروناۆيرۋس ءورشىپ تۇر. سوڭعى 7 ايدا 208 بالا ينفەكتسيالىق ستاتسيونارعا تۇسكەن. ونىڭ ىشىندە 54-ءى ءبىر جاسقا دەيىنگى نارەستە. ولاردى دا كوروناۆيرۋس اينالىپ وتپەدى. بۇل قاتاردا 1-5 جاس ارالىعىنداعى 57-ءى بالا بار. 68-ءى 5-14 جاستاعىلار بولسا، 14 پەن 17 جاستاعى جاسوسپىرىمدەردىڭ 29-ى ىندەتتىڭ ىلمەگىنە ىلىنگەن. قۇلاعىڭدى ەلەڭ ەتكىزەر بۇل مالىمەتتەردى الماتى وبلىسى دەنساۋلىق ساقتاۋ باسقارماسى باسشىسىنىڭ بوساندىرۋ جانە بالالار بويىنشا ورىنباسارى لەيلا سەرىكباەۆا بريفينگ بارىسىندا مالىمدەدى.

وبلىس بويىنشا امبۋلاتوريادا 810 بالا ەم قابىلدادى. ولاردىڭ 48-ءى ءبىر جاسقا تولماعان بوبەكتەر، 243-ءى 1-5 جاستاعى بالاقايلار، 351-ءى 5 پەن 14 جاس ارالىعىنداعى، 168-ءى 14-17 جاستاعى بالالار.

«بالالارداعى اۋرۋدىڭ بەلگىلەرى، باس اۋرۋى، جرۆي، تابەتتىڭ جوعالۋى، ءىشتىڭ اۋىرۋى بولۋى مۇمكىن. بىراق، بالالار ەرەسەكتەرگە قاراعاندا ينفەكتسيانى جەڭىل وتكىزەدى. ياعني، اۋرۋدى كوتەرە الادى. بالالارداعى كوروناۆيرۋستىق ينفەكتسيادان ەرەسەكتەر سياقتى وكپەنىڭ زاقىمدانۋى بايقالمادى. "سOVID-19 بالالاردا ەڭ الدىمەن جوعارعى تىنىس جولدارىنا اسەر ەتەدى (مۇرىن، اۋىز، جۇتقىنشاق), سوندىقتان ولار سۋىق تيۋ سياقتى بەلگىلەرى بايقالادى»،-دەيدى الماتى وبلىسى دەنساۋلىق ساقتاۋ باسقارماسى باسشىسىنىڭ بوساندىرۋ جانە بالالار بويىنشا ورىنباسارى لەيلا سەرىكباەۆا.

ايتا كەتەيىك، قازىرگى كارانتين تالاپتارىنا سايكەس، سىنىپتا يا بولماسا، توپتا COVID-19 اۋرۋىنىڭ 1 جاعدايى تىركەلگەن كەزدە سىنىپ نەمەسە توپ 14 كۇن بويى ءۇي كارانتينىنە وقشاۋلاۋعا جىبەرىلەدى. سونداي-اق، ءبىر اۋىسىمنىڭ 30%-دان استام سىنىپتارىندا COVID-19 اۋرۋىنىڭ جاعدايلارى 1 ينكۋباتسيالىق كەزەڭدە ورتا ءبىلىم بەرۋ ۇيىمىندا تىركەلگەن كەزدە-اۋىسىم 14 كۇن بويى ءۇي كارانتينىنە وقشاۋلانۋعا جاتادى.

Abai.kz