بالالارىمىزدى ورىس مەكتەپكە نەگە بەرىپ جاتىر؟ - دەگەن ساۋال فەيسبۋك جەلىدە قايتادان تاراپ، نەبىر شايقاسقا كۋا بولىپ وتىرمىز.

سوندا ءارتۇرلى پىكىرلەر وقىدىم. كوبىسى سول اتا-انالاردى سوگىپ، نامىسى جوق، ءدۇبارا، قۇلدىق پسيحولوگياعا باعىنعان دەپ شەشىم شىعارىپتى. كەيبىر ادامدار ونىڭ سەبەپتەرىن تۇسىنۋگە تىرىسىپ، ءوز ۆاريانتتارىن جازدى.

1. ورىس مەكتەپتە ءبىلىم ساپاسى جوعارى - دەگەن ادامداردى باسقالارى يتشە تالاپ، تۇبىنە جەتتى، ارسىز، نامىسسىز ساتقىڭدار دەپ. - ءوزىمىز قازاقشا وقىساق تا ەشكىمنەن كەم ەمەسپىز; ۇبت ناتيجەسى بويىنشا قازاق مەكتەبىن بىتىرگەن وقۋشىلار جوعارى ۇپاي الادى; ول كەڭەس زاماننان قالعان ۇعىم، كازىر جاعداي وزگەردى - دەپ وتىر كوممەنتاتورلار.

2. اتا-انالارى وزدەرى ورىسشا وقىپ، بالالارىنا قازاقشا وقۋعا كومەكتەسە المايمىز دەپ، سول سەبەپتەن ورىس مەكتەپكە بەرەدى - ەكىنشى ۆاريانت. ولاردى دا كىنالاپ، وزدەرىن ماقتاپ، نەشە ءتۇرلى كەڭەس ايتىلدى.

3. ورىس ءتىل بىلمەسەن، كارەرا جاساي المايسىڭ، كوپ جەردە ورىس ءتىل مىندەتتى تۇردە كەرەك - ءۇشىنشى ۆاريانت. بارىنە بيلىك كىنالى، ۇكىمەتتەگى جانە بيلىكتەگى شەنەۋنيكتەر كوبىسى ورىسشا سويلەپ، وزدەرى مەملەكەتتىك ءتىلدى قۇرمەتتەيدى - دەگەن پىكىر ءبىلدىردى.

4. قازاق ءتىلى ەكىنشى ورىندا قالادى، تەك حالىق اراسىندا قارىم-قاتىناس ءۇشىن. بۇكىل مەملەكەتتىك قۇجاتتارى ورىسشا جازىلادى، سوسىن قازاقشاعا اۋدارىلادى. ونىڭ سەبەبى - پرەزيدەنت اكىمشىلىگىندە، پارلامەنتتە، ۇكىمەتتە، مينيسترلىكتەردە، ايماقتاردىڭ كوبىندە جوعارى دەنگەيدەگى جۇمىسشىلار ورىسشا ويلايدى، قازاقشاسى ناشار.

5. تاعى دا ارگۋمەنت رەتىندە باسقا ۇلت ازاماتتارى ايتاتىنى - بۇكىل بيزنەس، تەحنيقالىق قۇجاتتار، زاماناۋي كومپيۋتەرلىك باعدارلامالار جانە قوسىمشىلار - ءبارى اعىلشىن تىلدە نەمەسە ورىس تىلىنە اۋدارىلعان. دەمەك، جاستارعا قازاق ءتىلى اسا قاجەتتى ەمەس. وعان بۋحگالتەريانى كوسۋعا بولادى، 1س ءتىلى ءبارى ورىسشا. شەتەلدىك SAP سياقتى ءىرى كومپانيالار اۆتوماتتاندىرۋ جانە وپتيميزاتسيا جاساعان كەزدە قازاق ءتىلىڭ پايدالانبايدى.

وسىنى ءبارىن وقىپ وتىرساق، ماسەلە پراگماتيزم دا بولىپ تۇر. اتا-اڭالار 10 ساباقتان رەپەتيتور جالداعانشا، ءبىر قازاق تىلدەن رەپەتيتور جالداعان دۇرىس بولار دەپ، بالالارىن ورىس مەكتەبىنە بەرەدى.

مەملەكەت 30 جىل ءتىل ماسەلەسىن شەشە الماي ءجۇر. قازاقتاردىن سانى ءوسىپ، ءبىر كۇنى ءبارى قازاقشا سويلەپ كەتەدى دەگەن ءۇمىت وتە زيان.

ادامدار كۇندەلىكتى پايدالاناتىن ىستەردە، بيزنەس بولسىن، وقۋ نەمەسە دەنساۋلىق جانە مىڭداعان باسقا ىستەردە ەرەجەلەرى، قۇجاتتارى مەملەمەتتىك تىلدە دايىن بولماسا، ولار جەڭىل دايىن جولمەن جۇرە بەرەدى. قانشا پاتريوت بولسادا، تىرشىلىك وزىنىكىن الادى.

كەلىسەسىڭدەر مە؟

اسحات اسىلبەكوۆ

Abai.kz